Last updated on July 25th, 2025 at 03:19 pm
ಬ್ಯಾಂಕಾಂಕ್, ಜು. 25: ಗಡಿತ ಬರಿಟ್ ಇಪ್ಪುನ ಒಂಜಿ ಶಿವನ ದೇಲಂತಡೆಗ್ ಬೋಡಾದ್ ಇತ್ತೆ ಥಾಯ್ಲೆಂಡ್ ಬೊಕ್ಕ ಕಾಂಬೋಡಿಯಾ ದೇಶೊಲೆನ ನಡುಟು ಕೊಲಲ ಸುರು ಆತ್ಂಡ್. ಕೋಡೆ ರಡ್ಡ್ ದೇಶೊಲೆನ ದಂಡ್ಲ್ ಒರಿಯನ ಮಿತ್ತೊರಿ ದಾಳಿ ಮಲ್ತೊಂದು, ಕಮ್ಮಿಡ್ 12 ಜನ ತೀರ್ದೆರ್. ತೀರ್ದಿನೆಟ್ ಎಚ್ಚಿನಕುಲು ನಾಗರಿಕೆರ್. ಕಾಂಬೋಡಿಯಾದ ಮಿತ್ತ್ ಥೈಲ್ಯಾಂಡ್ F-16 ಜೆಟ್ ಗಲಸ್ದ್ ದಾಳಿ ಮಲ್ದ್ಂಡ್.
ರಾಕೆಟ್ ಬೊಕ್ಕ ಫಿರಂಗಿ ಶೆಲ್ಲೆನ್ ಥಾಯ್ಲೆಂಡ್ದ ಮಿತ್ತ್ ಕಾಂಬೋಡಿಯಾ ರಾಪಾದ್ಂಡ್. ಥಾಯ್ಲೆಂಡ್ ಎಫ್-16 ಜೆಟ್ಡ್ ವೈಮಾನಿಕ ದಾಳಿ ಮಲ್ದ್ಂಡ್. ಕಾಬೋಡಿಯಾದ ಭೂಸೇನೆನ್ ಈಡ್ ಮಲ್ತ್ದ್ ವೈಮಾನಿಕ ದಾಳಿ ಮಲ್ದ್ಂಡ್ ಪನ್ದ್ ಥಾಯ್ಲೆಂಡ್ದ ದಂಡ್ ತೆರಿಪಾದ್ಂಡ್. ಒರಿ ಸೈನಿಕೆ ಬೊಕ್ಕ 11 ಜನ ನಾಗರಿಕೆರ್ ತೀರ್ದೆರ್. ಪೆಟ್ರೋಲ್ ಬಂಕ್ ಒಂಜೆತ ಮಿತ್ತ್ ರಾಕೆಟ್ ದಾಳಿ ಆದಿತ್ತ್ದ್, ಎಚ್ಚಿನಕುಲು ಈ ದಾಳಿಡ್ ತೀರ್ದೆರ್. 35 ನಾಗರಿಕೆರೆಗ್ ಗಡಿಕುಲಾತ’ ಪನ್ದ್ ಥಾಯ್ಲೆಂಡ್ ಆರೋಗ್ಯ ಸಚಿವಾಲಯ ತೆರಿಪಾದ್ಂಡ್.
ಗಡಿತ ಉದ್ದೊಗು ಕಮ್ಮಿಡ್ ಆಜಿ ಪ್ರಾಂತ್ಯೊಲೆಡ್ ಕಂಟ್ಯೊಂದುಲ್ಲೆರ್ ಪನ್ದ್ ಥಾಯ್ಲೆಂಡ್ ರಕ್ಷಣಾ ಸಚಿವಾಲಯೊದ ವಕ್ತಾರೆ ಸುರಸಂತ್ ಕೊಂಗ್ರಿರಿ ಪನ್ತೆರ್.
11 ನೇ ಶತಮಾನದ ಪ್ರಿಯಾ ವಿಹಾರ್ ದೇಲಂತಡೆನೇ ರಡ್ಡ್ ದೇಶೊಲೆನ ನಡುತ ಕೊಲಲೊಗು ನೆನವ. ಈ ದೇಲಂತಡೆ ಕಾಂಬೋಡಿಯಾದ ಪ್ರಿಯಾ ವಿಹಾರ್ ಪ್ರಾಂತ್ಯ ಬೊಕ್ಕ ಥೈಲ್ಯಾಂಡ್ದ ಸಿಸಾಕೆಟ್ ಪ್ರಾಂತ್ಯೊದ ಗಡಿಟ್ ಉಂಡು. 1962 ಟ್, ಅಂತರರಾಷ್ಟ್ರೀಯ ನ್ಯಾಯಂತಡೆ (ICJ) ಈ ದೇಲಂತಡೆ ಕಾಂಬೋಡಿಯಾಗ್ ಸೇರ್ದಿನವು ಪನ್ದ್ ತೀರ್ಪು ಕೊರ್ದಿತ್ತ್ಂಡ್. ಈ ಭೂಮಿ ಎಂಕ್ ಸೇರ್ದಿನವು ಪನ್ದ್ ಥೈಲ್ಯಾಂಡ್ ಪನ್ಪುಂಡು. ಈ ದೇಲಂತಡೆನ್ 11 ನೇ ಶತಮಾನೊಡು ಖಮೇರ್ ಚಕ್ರವರ್ತಿ ಸೂರ್ಯವರ್ಮನ್ ಶಿವ ದೇಬೆರೆಗ್ ಕಟ್ಟಾದೆರ್. ಬೊಕ್ಕ ಬೊಕ್ಕ, ಈ ದೇಲಂತಡೆ ಕಾಲಿ ಆರಾಧನಾ ಕೇಂದ್ರ ಅತ್ತಂದೆ, ರಾಷ್ಟ್ರೀಯತೆ, ರಾಜಕೀಯ ಬೊಕ್ಕ ಮಿಲಿಟರಿ ಶಕ್ತಿದ ಕ್ಷೇತ್ರ ಆತ್ಂಡ್. ಈ ದೇಲಂತಡೆಡ್ ಇತ್ತೆಲಾ ಶಿವಲಿಂಗ ಉಂಡು.