Last updated on August 3rd, 2025 at 11:48 am
ವಿಟ್ಲ, ಆ. 03: ಧಾರ್ಮಿಕ ಶ್ರದ್ಧಾ ಕೇಂದ್ರೊಗು ಸಂಬಂಧಿತಿನ ಸಾದಿ ಬರಿಟ್ ದೀದಿತ್ತಿನ ಕಾಣಿಗೆ ಡಬ್ಬಿಡಿತ್ತಿನ ಕಾಸ್ನ್ ಕನ್ಡ್ದಿನ ಕಲ್ವೆರೆನ್ ವಿಟ್ಲ ಪೊಲೀಸೆರ್ ಅರೆಸ್ಟ್ ಮಲ್ತ್ದೆರ್. ಕೈದಾತಿನಕಲೆನ್ ವಿಟ್ಲ ಕಸಬಾ ಗ್ರಾಮೊದ ನಿವಾಸಿಲಾಯಿನ ತ್ವಾಹಿದ್ (19), ಉಮ್ಮರ್ ಫಾರೂಕ್ (18 , ಮೊಹಮ್ಮದ್ ನಬೀಲ್(18) ಪನ್ದ್ ಗುರ್ತ ಪತ್ತ್ದೆರ್.
ಕನ್ಯಾನ ಗ್ರಾಮೊದ ದೇಲಂತಬೊಟ್ಟು ನಿವಾಸಿ ಡಿ.ನಾರಾಯಣ ರಾವ್ ಪನ್ಪಿನಾರ್ ಬರೆಪಾದಿನ ಒಯಿಲ್ದ ಆಧಾರೊಡು ವಿಟ್ಲ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್. ನಾರಾಯಣೆರೆನ ಗುರ್ಕಾರ್ಮೆದ ಧಾರ್ಮಿಕ ಶ್ರಧ್ದಾ ಕೇಂದ್ರೊದ ಕಾಣಿಗೆ ಕಟ್ಟೆನ್ ಕನ್ಯಾನ ಗ್ರಾಮೊದ ದೇಲಂತಬೊಟ್ಟು ಶಾಲೆದ ಬರಿತ ಸಾದಿದ ಕೈತಲ್ ಅಂಚೆನೇ ದೇಲಂತಬೊಟ್ಟು ಇಗರ್ಜಿದ ತಿರ್ತ್ದ ಸಾದಿದ ಬರಿಟ್ ಕಟ್ಟಾದಿತ್ತೆರ್. ಕಾಣಿಗೆ ಕಟ್ಟೆಲೆಡ್ ಒಟ್ಟಾಪುನ ಕಾಸ್ನ್ ದೆಪ್ಪೆರೆ ಜುಲೈ 26 ತಾನಿ ಕಟ್ಟೆದಡೆ ಪೋನಗ, ರಡ್ಡ್ ಕಾಣಿಗೆ ಕಟ್ಟೆಲೆನ ಬೀಗ ಪೊಲ್ತ್ದ್ ಸುಮಾರ್ 12,000/- ರೂ ರ್ದ್ 15,000/-ರೂ ಕಾಸ್ನ್ ಕನ್ಡ್ದೆರ್ ಪನ್ದ್ ಒಯಿಲ್ಡ್ ಬರೆಪಾದಿತ್ತೆರ್.