Last updated on August 3rd, 2025 at 08:35 am
ಬೊಲ್ತೇರ್, ಆ. 03: ಧರ್ಮಸ್ಥಳ ಕೇಸ್ ಇತ್ತೆ ದಿನೊರ್ದು ದಿನೊಕು ಪೊಸ ಪೊಸ ತಿರ್ಗೆಲ್ ಗೆತೊನೊಂದುಂಡು. ಇದಮುಟ್ಟ ಒರಿ ಆಂಜೊವು ಬರೆಪಾದಿನ ಒಯಿಲ್ದ ಆಧಾರೊಡು ಎಸ್ಐಟಿ ಜಡ್ತೆ ನಡತೊಂದಿತ್ತ್ಂಡ್. ಆಂಡ ಇತ್ತೆ ಧರ್ಮಸ್ಥಳ ಪ್ರಕರಣೊಡು ಕುಡೊರಿ ದೂರುದಾರನ ಎಂಟ್ರಿ ಆತ್ಂಡ್.
RTI ಬೊಕ್ಕ ಸಾಮಾಜಿಕ ಕಾರ್ಯಕರ್ತೆ ಆದುಪ್ಪುನ ಜಯನ್ ಟಿ. ಪನ್ಪಿನಾರ್ ಬೊಲ್ತೇರ್ ಎಸ್ಐಟಿ ಕಚೇರಿಡ್ ಪೊಸ ಒಯಿಲ್ ಬರೆಪಾದಿತ್ತ್ದ್ 15 ವರ್ಸೊಗು ದುಂಬು ತನ್ನ ಕಣ್ಣೆದುರೇ ಪೊಣ್ಣನೊರ್ತಿನ್ ಕೌಂತ್ದ್ ಪಾಡ್ದಿತ್ತೆರ್. ಅವೆನ್ ಇತ್ತೆಲಾ ತೋಜಾಯೆರ ರೆಡಿ ಉಲ್ಲೆ ಪನ್ದ್ ಪನ್ತೆರ್.
ಬೊಲ್ತೇರ್ ಎಸ್ಐಟಿ ಕಚೇರಿಡ್ ಒಯಿಲ್ ಬರೆಪಾದಿನ ಜಯನ್, 15 ವರ್ಸೊಗು ದುಂಬು ಪೊಣ್ಣನೊರ್ತಿನ್ ಕೌಂತ್ದಿತ್ತೆರ್. ಪುನ ಕುರಿದ್ ಪೋದಿತ್ತ್ಂಡ್. ಆ ಪೊಣ್ಣು ಏರ್? ಆಲೆನ್ ಕೆರ್ದ್ ಕೌಂತುದೆರಾ ಪನ್ದ್ ತೆರಿದ್ ಬೈದಿಜಿ. ಇತ್ತೆ ಎಸ್ಐಟಿ ಉಂಡಾತಿನೆರ್ದಾವರ ಒಯಿಲ್ ಬರೆಪಾದೆ ಪನ್ದ್ ಪನ್ಡೆರ್.
ದುಂಬು ಪದ್ಮಲತಾ ಪನ್ಪಿನ ಎನ್ನ ಕುಟುಮೊದ ಜವನ್ದಿನ್ ಕೆರ್ತಿನ ಪ್ರಕರಣೊಡು ಎಂಕ್ಲೆಗ್ ನ್ಯಾಯ ತಿಕ್ಕ್ದಿಜಿ. ಅಂಚಾದ್ ಈ ವ್ಯವಸ್ಥೆದ ಬಗೆಟ್ ನಂಬಿಕೆ ಪೋದಿತ್ತ್ಂಡ್. ಇತ್ತೆ ಪರ ಪ್ರಕರಣೊದ ಜಡ್ತೆಗ್ ಎಸ್ಐಟಿ ರಚನೆ ಇಪ್ಪುನೆರ್ದಾವರ ನಂಬಿಕೆ ಬೈದ್ಂಡ್. ಅಂಚಾದ್ ಒಯಿಲ್ ಬರೆಪಾದೆ. ಪೊಣ್ಣನ್ ಕೌಂತಿನೆಕ್ ಯಾನೇ ಸಾಕ್ಷಿ. ಎಂಕ್ಲೆನ ಕಣ್ಣ ಎದುರುಡೇ ಕೌಂತುದಿತ್ತೆರ್. ಧರ್ಮಸ್ಥಳಡ್ ಪಾಕ ಜನನ್ ಕೆರ್ತೆರ್, ಆಂಡ ಈ ಪೊಣ್ಣನ್ ಕೌಂತಿನೆಕ್ ಎನಡ ಸಾಕ್ಷ್ಯ ಉಂಡು ಪನ್ದ್ ಜಯನ್ ಮಾಧ್ಯಮೊಲೆಗ್ ತೆರಿಪಾದೆರ್.