Last updated on August 6th, 2025 at 12:17 pm
“ಅಪ್ಪೆ” ನ ಬಗೆಟ್ ಬರೆಯರೆ ಒರಿ ಸಾಹಿತಿಯೇ ಆವೊಡು ಪನ್ದ್ ಇಜ್ಜಿ. ಪುಟ್ಟಿ ಕಿಲೆಟ್ ಪೂವೊಲು ಬಂದ್ದ್ ಬೆಪ್ಪು ಮಿರೆಪೇರ್ ಕೊರ್ದ್ ತರ್ಕ್ದ್ ಪತ್ತಿನ ಅಪ್ಪೆನ ರುನೊನು ನಾಲ್ ಬರವುಡು ಸಂದಾವರೆಲಾ ಆವಂದ್. ಆಂಡಲಾ, ಅಪ್ಪೆ ಪನ್ಪಿ ಆ ಮಲ್ಲ ಗೋಲಿದ ಮರಟ್ ಪಕ್ಕಿಲಾದ್ ಕುಲ್ಲಿನ ನಮ, ನಮ್ಮ ಅಪ್ಪೆನ ಕತೆನ್ ಬರೆಯೊಲಿ ಅತೇ? ಆ ಬಡವು, ಆ ಬೆಸರ್, ಆ ಆಜಂದಿ ಮೋಕೆ, ಅವ್ವೇ ಬೀಡಿದ ಸೂಪು, ಅವ್ವೇ ಪುಗೆ ದಿಂಜಿನ ದಿಕ್ಕೆಲ್, ಅಪ್ಪೆ ಸೊಂದಿನ, ಅಪ್ಪೆ ಬೆಂದಿನ, ತನ್ನ ಜೋಕುಲು ಎಡ್ಡೆ ತಾದಿ ಪತ್ತೊಡು ಪನ್ದ್ ಅಪ್ಪೆ ಬೆಪ್ಪು ಸ್ವಾಸ ದೆತ್ತಿನ… ತನ್ನ ಜೋಕುಲು ಎಡ್ಡೆ ಆನಗ ರಡ್ಡ್ ಪನಿ ಸಂತೊಸದ ಕಣ್ಣನೀರ್ ಪಾಡಿನ..
ನಿಕಲೆನ ಅಪ್ಪೆನ ಬಗೆಟ್ ಉಡಲ ನಿಲ್ಕೆದ ಪಾತೆರ ಬರೆದ್ ತುಳು ಸಾಂಸ್ಕೃತಿಕ ಸಂಶೋಧನಾ ಪ್ರತಿಷ್ಠಾನೊಗು ಕಡಪುಡ್ಲೆ!! ಎಡ್ಡೆ ಬರವುಗು ಎಡ್ಡೆನ ಮಾನಾದಿಗೆ ಉಂಡು!! ಉಂದು ಪಂತೊ ಅತ್ತ್.. ಉಂದು ತುಳುವೆರೆ ಅಪ್ಪೆನ ‘ಇತಿಹಾಸೊ’ನು ಬರೆಪಿನ ಒಂಜಿ ಎಲ್ಯ ಪುನೆಪು.
“ಅಪ್ಪೆ”
ಈ ರಡ್ಡ್ ಅಚ್ಚರೊದ ದುನಿಪುಡು ಬೆರ್ಮತೆತ್ತಿಗ್ ಎರ್ಕಂದಿನ ಅರ್ಥೊ ಉಂಡು..
ನಿಕಲೆನ ಅಪ್ಪೆನ ಬಗೆಟ್ ಅಪ್ಪೆನ ಕತೆನ್ ಬರೆದ್ ಕಡಪುಡ್ಲೆ.. ಎಡ್ಡೆಂತಿನ 50 ಬರವುಲೆನ ಗೊಂಚಿಲ್ ನ್ ಗೋಡಿದ್ TCRF ® ದ ಅಂಗಸಂಸ್ಥೆ, ತುಳು ಸಾಹಿತ್ಯದ ಪರತಿರಿಟ್ ಅತೀ ಎಚ್ಚಿನ ತುಳು ಲಿಪಿ ಮಸ್ತಿರೆಲೆನ್ ಬುಡುಗಡೆ ಮಲ್ದಿನ ‘ಪುಣ್ಣಮೆ ಪ್ರಕಾಶನ’ ತುಳು ಮಸ್ತಿರೆ ಮಲ್ಪುಂಡು
ಸೂಚನೆಲು
(1) ಕಾಲ್ಪನಿಕ ಕತೆಲೆನ್ ಬರೆಯೊರ್ಚಿ
(2) ನಿಕಲೆನ ಪೆದ್ದಿ ಅಪ್ಪೆ, ತಾಂಕನೆದ ಅಪ್ಪೆ, ಅಬ್ಬ, ನೇಲ್ಯಪ್ಪೆ, ಸಿದ್ಯಪ್ಪೆ, ಮಾಮಿ ಇಂಚ ಅಪ್ಪೆನ ತಾನೊಡು ಉಪ್ಪುನಕಲೆನ ಏರ್ನಲಾ ಕತೆನ್ ಮೊಡೆದ್ ಎಂಕಲೆಗ್ ಕಡಪುಡ್ಲೆ
(3) ಅಚ್ಚರೊದ ಮಿತಿ ಇಜ್ಜಿ, ನಿಕಲೆನ ಉಡಲ್ದ ಪಾತೆರ ಅಚ್ಚರ ಆದ್ ಉಡಲ್ ಸೆಲಿಯಾನ ಮುಟ್ಟ ಬರೆದ್ ಕಡಪುಡ್ಲೆ
(4) ಬರವು ತುಳು ಬಾಸೆಡೇ ಉಪ್ಪೊಡು, ಕನ್ನಡ, ಇಂಗ್ಲಿಷ್ ಇಜಿಂಡ ತುಳು ಲಿಪಿ ಗಲಸೊಲಿ
(5) ಒರಿಯಗ್ ಒಂಜಿ ಬರವು ಮಾತ್ರ ಬರೆಯೊಲಿ
ಆಗಸ್ಟ್ 31 ತ ಉಲಯಿ ಬರೆದ್ ಕಡಪುಡ್ಲೆ
ನಿಕುಲು ಕಡಪುಡೊಡಾಯಿನಿ ಈ ನಂಬ್ರ ಗ್
8722229750
ಇಜಿಂಡ
7204813583
ಇಜಿಂಡ
[email protected] ಗ್ ಇಮೇಲ್ ಲಾ ಮಲ್ಪೊಲಿ.
The Tulu Cultural Research Foundation (TCRF) has issued a call for submissions inviting individuals to write about the (mother) in Tulu culture. This initiative, which is not a competition but rather an effort to document the history of mothers among the Tulu people, encourages participants to share heartfelt, non-fictional accounts about their birth mothers, adoptive mothers, or any maternal figure.
Submissions, which must be in the Tulu language (using Tulu/Kannada/English/Devanagari scripts) and have no length restrictions, are due by August 31st, with the best 50 entries to be compiled into a book by Punname Prakashana, an affiliate of TCRF.