Last updated on August 6th, 2025 at 08:57 am
ಕುಡ್ಲ, ಆ. 06: ಕುಡ್ಲ ಪೊಲೀಸೆರೆ ರಪಕ್ಕದ ಕಾರ್ಯಾಚರಣೆ ಒಂಜಿ ಪಾವಂಜೆ ಸಂಕೊರ್ದು ಸುದೆಕ್ ಲಾಗಿದ್ ಆತ್ಮಹತ್ಯೆಗೆಯ ಮಲ್ತೊನರೆ ತೂವೊಂದಿತ್ತಿನ ಪ್ರಾಯೊದ ಆಂಜೊವು ಒರಿಯನ ಜೂವ ಒರಿತ್ದ್ಂಡ್.
ಕೋಡೆತ್ಮುರಾನಿ ಪಿ.ವಿ.ಎಸ್ ಕಲಾಕುಂಜದ ಕೈತಲ್ದ ಶ್ರೀ ವಿಶ್ವನಾಥ ಶೆಟ್ಟಿ (75) ಕಾಂಡೆ ಕುದ್ರೋಳಿ ದೇಲಂತಡೆಗ್ ಪೋತಿನಾರ್ ಪಿರ ಇಲ್ಲಗ್ ಬೈದಿಜೆರ್ ಪನ್ದ್ ನಿತಿನ್ ಪನ್ಪಿನಾರ್ ಬರ್ಕೆ ಪೊಲೀಸ್ ಸ್ಟೇಷನ್ಡ್ ಒಯಿಲ್ ಬರೆಪಾದಿತ್ತೆರ್. ಈ ಒಲವುನು ಬರ್ಕೆ ಪೊಲೀಸ್ ಸ್ಟೇಶನ್ದ ಎ.ಎಸ್.ಐ ಸುಧಾಕರ್ ERSS-112 ಗ್ ಕಡಪುಡ್ದೆರ್.
ಈ ಪೊರ್ತುಡು ಮುಲ್ಕಿ ಪೊಲೀಸ್ ಸ್ಟೇಶನ್ ಸೀಮೆದ ERSS-112 ಕರ್ತವ್ಯೊಡಿತ್ತಿನ ಪೊಲೀಸ್ ಹೆಡ್ ಕಾನ್ಸ್ಟೇಬಲ್ ಯೊಗೀಶ್, ಕಿಶೋರ್ ಕುಮಾರ್ ಬೊಕ್ಕ ಪೊಲೀಸ್ ಕಾನ್ಸ್ಟೇಬಲ್ ಮಧುಕರ್, ಒಲವು ತಿಕ್ಕಿನೆಟ್ಟಿಗೆ ಪಿದಡ್ದೆರ್. ಪಾವಂಜೆ ಸಂಕೊದಡೆ ಎತ್ತ್ನಗ ಸಂಕೊರ್ದು ಸುದೆಕ್ ಲಾಗ್ಯೆರ ತೂವೊಂದಿತ್ತಿನ ವಿಶ್ವನಾಥ ಶೆಟ್ರೆನ್ (75) ಸಾರ್ವಜನಿಕೆರೆ ಸಕಾಯೊಡು ಉಂತಾದ್ ಆರೆನ ಜೂವಕಾತ್ದೆರ್.
ಬೊಕ್ಕ ವಿಚಾರಣೆ ಮಲ್ಪುನಗ ವಿಶ್ವನಾಥ ಶೆಟ್ರ್ ದೊಗಲೆದ ಸೀಕ್ದ ವಿಚಾರೊಡು ಬೆಸರ್ಡ್ ಜೂವ ಗೆತ್ತೊನರೆ ತೂತಿನ ವಿಷಯ ತೆರಿದ್ ಬೈದ್ಂಡ್. ಬೊಕ್ಕ ಆರೆನ್ ಆರೆನ ಸಂಗಡಿ ವಾಣಿ ಶೆಟ್ಟಿ ಬೊಕ್ಕ ಮಾಜಿ ಕಾರ್ಪೊರೇಟರ್ ಪ್ರಕಾಶ್ ರೆನ ಒಟ್ಟುಗು ಕಡಪುಡ್ದು ಕೊರ್ತೆರ್. ಪೊಲೀಸೆರೆ ಬರಸ್ದ ಕಾರ್ಯಾಚರಣೆ ಒರಿಯನ ಜೂವ ಒರಿಪಾದ್ಂಡ್.