Last updated on August 8th, 2025 at 10:32 am
ಕಡಬ, ಆ. 08: ಪ್ರಾಯೊದಾರ್ ಒರಿ ತನ್ನ ಮಗನ ಜೀಪ್ದ ಅಡಿಕ್ ಬೂರ್ದು ದಾರುಣವಾದ್ ತೀರ್ದಿನ ನಡಕೆ ಕಡಬ ಪೋಲೀಸ್ ಸ್ಟೇಷನ್ ಸೀಮೆದ ಬಿಳಿನೆಲೆತ ಕೈತಲ್ ಮಣ್ಣಸಾದಿಡ್ ನಡತ್ದ್ಂಡ್. ಕಡಬ ತಾಲೂಕು ಬಿಳಿನೆಲೆ ನಿವಾಸಿ ಧರ್ಮಪಾಲೆ ( 68ವ) ತೀರ್ದಿನಾರ್.
ನಡಕೆದ ಒಲವು: ತೀರ್ದಿನಾರೆನ ಮಗೆ ಮಣ್ಣ್ದ ಸಾದಿದ ಚಡವುಡು ಜೀಪ್ ಬುಡೊಂದು ಪೋವೊಂದಿತ್ತೆರ್. ಈ ಪೊರ್ತುಡು ಚಡವುಡು ಜೀಪ್ ಬರ್ತಂದಿನೆರ್ದಾವರ ಜೀಪ್ಡಿತ್ತಿನ ಅಮ್ಮೆ ಧರ್ಮಪಾಲೆರ್ ತಿರ್ತ್ ಜತ್ತ್ದ್ ಗಾಡಿದ ಪಿರವು ಉಂತುದಿತ್ತೆರ್ಗೆ. ಆಂಡ ಜೀಪ್ ಅಂಕೆ ತತ್ತ್ದ್ ಒರರ್ದ್ ಒರಾನೆ ಪಿರವು ಪೋದು, ಪಿರವು ಉಂತುದಿತ್ತಿನಾರೆನ ಮಿತ್ತ್ ಬೂರ್ದ್ಂಡ್.
ಆರೆನ್ ಅಪಗನೇ ಅಲ್ಪ ಇತ್ತಿನಕುಲು ಆಸ್ಪತ್ರೆಗ್ ಲೆತೊಂದು ಪೋತೆರ್, ಆಂಡ ಬೈದ್ಯೆರ್ ಪರೀಕ್ಷೆ ಮಲ್ತ್ದ್ ತೀರ್ದೆರ್ ಪನ್ದ್ ತೆರಿಪಾದೆರ್.
ಈ ನಡಕೆದ ಬಗೆಟ್ ನಾಗೇಶೆ ಪನ್ಪಿನಾರ್ ಬರೆಪಾದಿನ ಒಯಿಲ್ದ ಪ್ರಕಾರ ಅಪರಾಧ ಕ್ರಮಾಂಕ, 54/2025 281,106 ಬಿ ಎನ್ ಎಸ್ ದ ಪ್ರಕಾರ ಪ್ರಕರಣ ದಾಕಲಾತ್ಂಡ್.