Last updated on August 19th, 2025 at 12:09 pm
ಕಡಬ, ಆ. 19: ಕಾಂಡೆ ಕಾಂಡೆ ಒರರ್ದ್ ಒರಾನೆ ಬೀಜಿನ ಭಾರೀ ರಣಗಾಳಿಗ್ ಕಡಬ ತಾಲೂಕ್ದ ಸವಣೂರು ಎಡಮಂಗಿಲಡ್ ಕಂಗ್ ತೋಟೊಲು ಅಲಕ್ಕ ನಾಶ ಆತಿನ ನಡಕೆ ನಡತ್ದ್ಂಡ್.
ಕಾಂಡೆ ಒರರ್ದ್ ಒರಾನೆ ರಣಗಾಳಿ ಬೀಜ್ದಿತ್ತ್ದ್, ಸವಣೂರು ಮೆಸ್ಕಾಂ ಉಪವಿಭಾಗೊದ ಸವಣೂರು ಗ್ರಾಮೊದ ಕೆಡೆಂಜಿ, ಆರೇಲ್ತಡಿ, ಕುದ್ಮನಮಜಲ್ ಪಟ್ಟೆ ಮಡಕೆ, ಕುದ್ಮಾರ್ ಗ್ರಾಮೊದ ಅನ್ಯಾಡಿ ಪರಿಸರೊಡು ಮರ ಬೂರ್ದ್ ಪಾಕ ಕರೆಂಟ್ ಕುಂದೊಲು ಪೊಲಿದೊ ಕರೆಂಟ್ ಸಂಪರ್ಕೊಲಾ ಕಡಿದ್ಂಡ್.
ಆರೇಲ್ತಡಿ ಕೊರಗಜ್ಜನ ಕಟ್ಟೆ, ದೈವಸ್ಥಾನದ ಜಾಗೆ, ಪಾಕ ಜನತ ಇಲ್ಲ್ಲ್, ತೋಟ, ತಾರೆ ಮಾತಾ ಪೊಲಿದ್ ಲಕ್ಷಗಟ್ಲೆ ನಷ್ಟ ಆತ್ಂಡ್.
ಎಡಮಂಗಿಲ ಗ್ರಾಮೊದ ಎಡಮಂಗಿಲ ಪೇಂಟೆ ಅಲಕ್ಕೆ, ಮುಳಿಯ, ಪಾದೆ ಸೇರ್ದ್ ಪಾಕ ಕಡೆಟ್ ಇಲ್ಲ್ಲೆನ ಮಾಡ್, ಕೃಷಿ ತೋಟೊಲೆಗ್ ಹಾನಿ ಆತ್ಂಡ್. ಗಾಳಿದ ಬರಸ್ಗ್ ಎಡಮಂಗಿಲ ಗ್ರಾಮ ಪಂಚಾಯತ್ದ ಮಿತ್ತ್ದ ಶೀಟ್ ಸುಮಾರ್ 200 ಮೀಟರ್ ದೂರೊಗು ರಾದ್ ಬೂರ್ದ್ಂಡ್. ಹಾನಿ ಆತಿನ ಜಾಗೆಲೆಗ್ ಗ್ರಾಮ ಪಂಚಾಯತ್ ಮೆಂಬರ್ನಕುಲು, ಅಧಿಕಾರಿಲು ಬತ್ತ್ದ್ ತೂತೆರ್