Last updated on August 19th, 2025 at 09:43 am
ಬೆಂಗಳೂರು, ಆ. 19: ಸ್ಯಾಂಡಲ್ವುಡ್ ನಟಿ ರಮ್ಯಾ, ದರ್ಶನ್ನ ಬಗೆಟ್ ಪಾಡ್ದಿನ ಪೋಸ್ಟ್ಗ್ ಅಶ್ಲೀಲವಾದ್ ಕಮೆಂಟ್ ಮಲ್ದಿನ ಒಡಿಪು ಮೂಲೊದ ಇರ್ವೆರೆನ್ ಸಿಸಿಬಿ ಪೊಲೀಸೆರ್ ಅರೆಸ್ಟ್ ಮಲ್ತ್ದೆರ್. ಈ ಮುಕೇನ ಕೈದಾತಿನಕ್ಲೆನ ಸಂಖ್ಯೆ 9ಗ್ ಏರ್ದ್ಂಡ್.
ಕೈದಾತಿನಕ್ಲೆನ್ ಒಡಿಪು ಮೂಲೊದ ಸುಜನ್ ಬೊಕ್ಕ ಆದರ್ಶ್ ಪನ್ದ್ ಗುರ್ತ ಪತ್ತ್ದೆರ್. ಉಂದೆಕ್ ದುಂಬು ಸಿಸಿಬಿ ಪೊಲೀಸೆರ್ ಮಂಜುನಾಥೆ, ಭುವನ್ ಗೌಡೆ, ಪವನ್, ಓಬಣ್ಣೆ ಬೊಊ ಗಂಗಾಧರೆ ಸೇರ್ದ್ ಒಟ್ಟು 9 ಜವನೆರೆನ್ ಕೈದ್ ಮಲ್ತಿತ್ತೆರ್. ರೇಣುಕಾಸ್ವಾಮಿನ್ ಕೆರ್ತಿನ ಪ್ರಕರಣೊಡು ರೇಣುಕಾಸ್ವಾಮಿನ ಇಲ್ಲದಕ್ಲೆನ ಪರವಾದ್ ಉಂತಿನ ನೆವನೊಗು ನಟಿ ರಮ್ಯಾಗ್ ದರ್ಶನ್ ಅಭಿಮಾನಿಲು ಅಶ್ಲೀಲ ಮೆಸೇಜ್ ಕಡಪುಡ್ದೆರ್. ಉಂದೆರ್ದಾವರ ದರ್ಶನ್ ಫ್ಯಾನ್ಸ್ನ ಮಿತ್ತ್ ಬೆಚ್ತ ಆಯಿನ ರಮ್ಯಾ ಅಶ್ಲೀಲ ಮೆಸೇಜ್ ಕಡಪುಡ್ದಿನಕ್ಲೆನ ಅಕೌಂಟ್ಲೆನ್ ಪಬ್ಲಿಕ್ ಮಲ್ತ್ದೆರ್. ಒಟ್ಟುಗು 43 ಅಕೌಂಟ್ಲೆನ ವಿರುದ್ಧ ಒಯಿಲ್ ಬರೆಪಾದೆರ್. ಈ ಚಾಲಿಪೋಲಿಲೆನ್ ಪತ್ತೆರ ಪೋಲೀಸೆರ್ 6 ಕೂಟೊನ್ಲಾ ಉಂಡು ಮಲ್ದೆರ್.