Last updated on August 26th, 2025 at 04:07 pm
ಬೊಲ್ತೇರ್, ಆ. 26: ಧರ್ಮಸ್ಥಳಡ್ ಪುನೊಕ್ಲೆನ್ ಕೌಂತಿನ ಪ್ರಕರಣೊಗು ಸಂಬಂಧಿತ್ದ್, ವಿಶೇಷ ತನಿಖಾ ತಂಡ (ಎಸ್ಐಟಿ) ಆಗಸ್ಟ್ 26 ತಾನಿ ಆರೋಪಿ ಚಿನ್ನಯ್ಯ ಸಿಎನ್ಗ್ ಆಶ್ರಯ ಕೊರ್ತಿನ ಆರೋಪಡ್ ಉಜಿರೆದ ಮಹೇಶ್ ಶೆಟ್ಟಿ ತಿಮರೋಡಿ ರೆನ ಇಲ್ಲದ ಮಿತ್ತ್ ದಾಳಿ ಮಲ್ದ್ಂಡ್.
ಎಸ್ಐಟಿ ತನಿಖಾಧಿಕಾರಿ ಜಿತೇಂದ್ರ ಕುಮಾರ್ ದಯಾಮ್ ಮುತಾಲಿಕೆಡ್ ಕಾಂಡೆ 9:20 ದ ಅಂದಾಜಿಗ್ ದಾಳಿ ಮಲ್ತೆರ್. ಆಗಸ್ಟ್ 25 ತಾನಿ ಬೊಲ್ತೇರ್ ನ್ಯಾಯಂತಡೆರ್ದ್ ಗೆತೊಂದಿನ ಸರ್ಚ್ ವಾರಂಟ್ದೊಟ್ಟುಗು ಆರೋಪಿ ಚಿನ್ನಯ್ಯನ್ ಲೆತೋಂದು ಬತ್ತ್ದ್ ದಾಳಿ ಮಲ್ತ್ದ್ ನಾಡ್ಯೆರ್. ಕಾರ್ಯಾಚರಣೆದ ಪೊರ್ತುಡು, ಎಸ್ಐಟಿ ಅಧಿಕಾರಿಲು ಚಿನ್ನಯ್ಯನ ಮೊಬೈಲ್ ಫೋನ್ನ್ ವಶೊಕು ಗೆತೊಂದೆರ್ ಪನ್ದ್ ವರದಿ ಆತ್ಂಡ್.
ಮಹೇಶ್ ಶೆಟ್ಟಿ ತಿಮರೋಡಿ ಕರಿನ ರಡ್ಡ್ ತಿಂಗೊಲುರ್ದಿಂಚಿ ಚಿನ್ನಯ್ಯಗಾ ಉಜಿರೆಡುಪ್ಪುನ ತಿಮರೋಡಿದ ಇಲ್ಲಡ್ ಆಶ್ರಯ ಕೊರ್ದಿತ್ತೆರ್ ಪನ್ದ್ ವರದಿ ಆತ್ಂಡ್. ಆರೋಪಿಲೆಗ್ ಸಂಬಂಧಿತಿನ ಸೋತ್ತುಲೆನ್ ವಶೊಕು ಗೆತೊನುನ ದಿಟ್ಟಿಡ್ ಎಸ್ಐಟಿ ದಾಳಿ ಮಲ್ದ್ಂಡ್. ಅವ್ವೇ ಪೊರ್ತುಡು, ಮಹೇಶ್ ಶೆಟ್ರೆನ ಮೆಗ್ಯೆ ಮೋಹನ್ ಶೆಟ್ರೆವ ಇಲಾಲಡ್ಲಾ ಕುಡೊಂಜಿ ಟೀಮ್ ನಾಡೊಂದಿತ್ತ್ಂಡ್ಗೆ.