Last updated on August 27th, 2025 at 02:18 pm
ಕಾರ್ಲ, ಆ. 26: ಕಾರ್ಲದ ಕುಂಟಲ್ಪಾಡಿಡ್ ಅಂಗಾರೆ ಕಾಂಡೆ ಪುನ ಆದ್ ತಿಕ್ಕ್ದಿತ್ತಿನ ಬಡ್ಡಿ ವೈವಾಟ್ದ ನವೀನ್ ಪೂಜಾರಿ ಮೆರೆನ್ ಕೆರ್ತಿನ ಪ್ರಕರಣೊಗು ಸಂಬಂಧಿತ್ದ್ ಪೊಲೀಸೆರ್ ಒರಿ ಆಂಜೊವುನು ಕೈದ್ ಮಲ್ದೆರ್.
ಆರೋಪಿನ್ ಕುಡ್ಲ ಮೂಲೊದ ಬಸ್ ಡ್ರೈವರ್ ಪರೀಕ್ಷಿತ್ ಸಂಜೀವ್ ಗೌಡ ಪನ್ದ್ ಗುರ್ತ ಪತ್ತ್ದೆರ್.
ಒಡಿಪು ಜಿಲ್ಲೆದ ಪೊಲೀಸ್ ವರಿಷ್ಠಾಧಿಕಾರಿ ಹರಿರಾಮ್ ಶಂಕರ್ ಪಾತೆರ್ದ್, ಪರೀಕ್ಷಿತ್ ತನ್ನ ಬೊಡೆದಿರ್ದ್ ದೂರ ಆದ್ ಕಾರ್ಲದ ದೂಪದಕಟ್ಟೆಡ್ ಬಾಡಾಯಿದಿಲ್ಲಡ್ ಇತ್ತೆರ್. ತೀರ್ದಿನ ನವೀನ್ ಲಾ ಬೊಡೆದಿ ಜೋಕುಲೆರ್ದ್ ದೂರ ಆದ್ ಒರಿಯೇ ಇತ್ತೆ. ಪರೀಕ್ಷಿತ್ನ ಗುರ್ತದ ಪೊಂಜೊವು ಒರ್ತಿಡ ನವೀನ್ ಎಡ್ಡೆಪುಡು ಇತ್ತೆ, ಉಂದು ಪರೀಕ್ಷಿತ್ಗ್ ಆವಂದಿನೇ ಅಂಗಾರೆ ನವೀನ್ ಕೆರ್ಯೆರ ನೆವನ ಪನ್ದ್ ಜಡ್ತೆಡ್ ತೆರಿದ್ ಬೈದ್ಂಡ್.
ಸಿಸಿಟಿವಿ ದೃಶ್ಯಾವಳಿ ಬೊಕ್ಕ ಟೆಕ್ನಿಕಲ್ ಎವಿಡೆನ್ಸ್ದ ಆಧಾರೊಡು, ಪೊಲೀಸೆರ್ ಪರೀಕ್ಷಿತ್ನ್ ಕೈದ್ ಮಲ್ದೆರ್. ಜಡ್ತೆ ನಡತೊಂದುಂಡು.