Last updated on August 28th, 2025 at 11:17 am
ಪುಣೆ, ಆ. 28: ಕಾರ್ಲ ಮೂಲೊದ ಹೋಟೆಲ್ ದನಿನ್, “ಸಮ ಬೇಲೆ ಮಲ್ಪು” ಪನ್ದ್ ಪನ್ಡಿನೆಕ್ ಬೇಲೆದಾಯೆ ಒರಿ ಬರ್ಬರವಾದ್ ಕೆರ್ತಿನ ನಡಕೆ ಅಂಗಾರೆ ರಾತ್ರೆ ನಡತ್ದ್ಂಡ್.
ತೀರ್ದಿನಾರೆನ್ ಕಾರ್ಲ ತಾಲೂಕ್ದ ಎಣ್ಣೆಹೊಳೆ ಕುಮೇರ್ದಿಲ್ಲ್ ನಿವಾಸಿ ಸಂತೋಷ್ ಶೆಟ್ಟಿ (46). ಕೆರ್ತಿನ ಆರೋಪಿ ದಿಲೀಪ್ ಗಿರಿನ್ ಪೋಲೀಸೆರ್ ಕೈದ್ ಮಲ್ತ್ದೆರ್.
ಸಂತೋಷ್ ಶೆಟ್ಟಿ ತನ್ನ ಹೋಟೆಲ್ಡ್ ಬೇಲೆ ಮಲ್ತೊಂದಿತ್ತಿನ ದಿಲೀಪ್ ಗಿರಿಗ್ ಅಪಗಪಗ ಸಮ ಬೇಲೆ ಮಲ್ಪುನ್ದ್ ಪನೊಂದಿಪ್ಪೆದೆರ್ಗೆ. ಇಂಚಿಪ ಆತೇ ಬೇಲೆಗ್ ಸೇರ್ದಿತ್ತಿನ ದಿಲೀಪ್ ಗಿರಿ, ಸಂತೋಷ್ ಶೆಟ್ಟಿರ್ದ್ 2,500 ಅಡ್ವಾನ್ಸ್ ಕಾಸ್ ಗೆತೊಂದಿತ್ತೆ. ಆಂಡ ಕುಡ ಕಾಸ್ ಕೇಂಡಿನೆಕ್ ಸಂತೋಷ್, ಈ ಸುರುಕು ಬೇಲೆ ಸಮ ಮಲ್ಪು, ಬೊಕ್ಕ ಕಾಸ್ ಕೇನ್ ಪನ್ದ್ ಪನ್ದಿತ್ತೆರ್.
ಅಂಗಾರೆ ರಾತ್ರೆ ಇರ್ವೆರೆಗ್ಲಾ ಲಡಯಿ ಆತ್ಂಡ್. ದಿಲೀಪ್ ಹೋಟೆಲ್ದ ಅಡ್ಪಿಲ್ಲ್ರ್ದ್ ಬೀಸತ್ತಿ ಕನತ್ದ್ ಸಂತೋಷ್ನ ನಾಲಿಗ್ ರಡ್ಡ್ ಸರ್ತಿ ಕುತ್ತುದೆ. ಈ ದಾಳಿರ್ದಾವರ ಸಂತೋಷ್ ಅಲ್ಪನೇ ತೀರ್ದೆರ್.
ನಡಕೆದ ಬಗೆಟ್ ಒಲವು ತಿಕ್ಕಿನೇ ಉಪ ಪೊಲೀಸ್ ಆಯುಕ್ತೆರೊ, ಸಹಾಯಕ ಪೋಲೀಸ್ ಆಯುಕ್ತೆರ್ ಬೊಕ್ಕ ಪೊಲೀಸ್ ಇನ್ಸ್ಪೆಕ್ಟರ್ ಮೋಹನ್ ಖಂಡ್ರೆ ಬತ್ತ್ದ್ ಪರಿಶೀಲನೆ ಮಲ್ದೆರ್.