Last updated on August 30th, 2025 at 01:43 pm
ಬೆಂಗಳೂರು, ಆ. 30: ಚಿನ್ನಸ್ವಾಮಿ ಕ್ರೀಡಾಂಗಣೊಡು ಕಾರ್ದಡಿಕ್ ಬೂರ್ದು ತೀರಿನಕ್ಲೆನ ಇಲ್ಲದಕ್ಲೆಗ್ ಈ ಸರ್ತಿದ ಐಪಿಎಲ್ ಚಾಂಪಿಯನ್ ಆರ್ಸಿಬಿ ತರೆಕ್ 25 ಲಕ್ಷ ರೂ. ಪರಿಹಾರ ಘೋಷಣೆ ಮಲ್ದ್ಂಡ್. ಫ್ರಾಂಚೈಸಿ ತನ್ನ ಪೊಸ ‘ಆರ್ಸಿಬಿ ಕೇರ್ಸ್’ ಅಡಿಟ್ ಆರ್ಥಿಕ ಸಕಾಯ ಮಲ್ತೊಂದುಂಡು ಪನ್ದ್ ತೆರಿಪಾದ್ಂಡ್.
ಈ ಬಗೆಟ್ ಆರ್ಸಿಬಿ ಎಕ್ಸ್ ಅಕೌಂಟ್ಡ್ ಪೋಸ್ಟ್ ಮಲ್ದ್ಂಡ್. ಜೂನ್ 4, 2025- ಈ ದೀನ ಎಂಕ್ಲೆ ಉಡಲ್ಡ್ ಏಪೊಗುಲಾ ಒರಿಯುಂಡು. ಆನಿ ಎಂಕ್ಲ ಕಲೆವೊಂದಿನಿ ಕಾಲಿ 11 ಅಭಿಮಾನಿಲೆನ್ ಮಾತ್ರ ಅತ್ತ್, ಅಕುಲು ಎಂಕ್ಲೆನ ಕುಟುಮೊದಕುಲಾದಿತ್ತೆರ್. ಎಂಕ್ಲೆನ ಉಡಲ್ದ ಭಾಗ ಆದಿತ್ತೆರ್. ಅಕ್ಲೆನ ಉಮೇದೇ ಎಂಕ್ಲೆನ ಶಕ್ತಿ. ಅವ್ವು ಕೂಟೊಗು ಜೂವ ಕೊರ್ಪಿ ತುಡರಾದಿತ್ತ್ಂಡ್.
ಎಂಕ್ಲೆ ಅಂಬಲ್ಡ್ ಅಕುವು ಏಪೊಗುಲಾ ಇಪ್ಪೆರ್. ಅಕುಲೆನ ಇಲ್ಲದಕುಲು ಕಲೆವೊಂದಿನೆನ್ ವಾ ಸಕಾಯೊರ್ದುಲಾ ದಿಂಜಾಯೆರೆ ಬಲ್ಲಿ. ಆಂಡ ಗೌರವೊದ ಸಂಕೇತವಾದ್, ಆರ್ಸಿಬಿ ಪ್ರತಿ ಇಲ್ಲದಕ್ಲೆಗ್ 25 ಲಕ್ಷ ರೂ. ಸಕಾಯ ಮಲ್ತೊಂದುಂಡು. ಉಂದು ಕಾಲಿ ಆರ್ಥಿಕ ಸಕಾಯ ಅತ್ತ್, ಕರುಣೆ, ಒತ್ತಟ್ಟ್ ಬೊಕ್ಕ ನಿರಂತರ ಕಾಳಜಿದ ಪಾತೆರ ಆದುಂಡು.
ಉಂದು ಆರ್ಸಿಬಿ ಕೇರ್ಸ್ದ ಉದಿಪನೊಲಾ ಅಂದ್. ಅಕ್ಲೆನ್ ನೆನೆಪುನು ಗೌರವಿಪುನ ಮುಕೆನ ಸುರು ಆತಿನ ಈ ಪುನೆಪು ಅಭಿಮಾನಿಲೆನ ಭಾವನೆ, ನಂಬಿಕೆ ಬೊಕ್ಕ ಸುರಕ್ಷತೆ ತೂಪಾವುನ ಬದ್ಧತೆ ಆದುಂಡು ಪನ್ದ್ ಆರ್ಸಿಬಿ ಎಕ್ಸ್ಡ್ ಭಾವನಾತ್ಮಕ ಪೋಸ್ಟ್ ಪಟ್ಟೊಂದುಂಡು.