Last updated on August 31st, 2025 at 10:58 am
ಕುಡ್ಲ, ಆ. 31: ಆಗಸ್ಟ್ 28ದಾನಿ ಮಧ್ಯಾಹ್ನ ತಲಪಾಡಿಡ್ ನಡತಿನ ಭೀಕರ ಬಸ್ ಎಡ್ತೆಗ್ ಸಂಬಂಧಿತ್ದ್, ಮಂಜೇಶ್ವರ ಪೊಲೀಸೆರ್ ಕರ್ನಾಟಕ ಕೆಎಸ್ಆರ್ಟಿಸಿ ಬಸ್ ಡ್ರೈವರ್ ಬಾಗಲಕೋಟೆ ಅಂಬೇಡ್ಕರ್ ನಗರ ನಿವಾಸಿ ನಿಜಲಿಂಗಪ್ಪ ಚಲವಾದಿ (47) ಪನ್ಪಿನಾಯನ್ ಕೈದ್ ಮಲ್ದೆರ್.
ಬಸ್ ಡ್ರೈವರ್ನ್ ನ್ಯಾಯಂತಡೆದ ಎದುರು ಲೆತೊಂದು ಪೋದಿತ್ತ್ದ್, ನ್ಯಾಯಂತಡೆ ಕೈದಾತಿನಾಯಗ್ ರಡ್ಡ್ ವಾರ ನ್ಯಾಯಾಂಗ ಕೈದ್ ಕೊರ್ತುಂಡು.
ತಲಪಾಡಿ ಕೈತಲ್ ರಾಷ್ಟ್ರೀಯ ಪೆರ್ಸಾದಿ 66ಟ್ ಕೆಎಸ್ಆರ್ಟಿಸಿ ಬಸ್ ಆಟೋ ರಿಕ್ಷಾಗ್ ಎಡ್ತಿನೆರ್ದಾವರ, ರಿಕ್ಷಾ ಡ್ರೈವರ್ ಸೇರ್ದ್ ಆಜಿ ಜನ ತೀರ್ದಿತ್ತೆರ್. ಎಡ್ತಿನ ಬೆರಿಟೇ ಡ್ರೈವರ್ ಬಸ್ರ್ದ್ ಜತ್ತ್ದ್ ಪೋತಿನೆರ್ದಾವರ ಜಪ್ಪಂಗೆಲ್ ಸಾದಿಡ್ ಬಸ್ ಪಿರ ಪಿರ ಪೋದು ಸಾದಿ ಬರಿಟ್ ಉಂತುದಿತ್ತಿನ ಪ್ರಯಾಣಿಕೆರ್ ಬೊಕ್ಕ ಒಂಜಿ ರಿಕ್ಷಾಗ್ ಎಡ್ತ್ದಿತ್ತ್ಂಡ್. ಈ ನಡಕೆಡ್ ಇರ್ವೆರೆಗ್ ಗಡಿಕುಲುಲಾ ಆದಿತ್ತ.
ಎಡ್ತೆದ ಬಗೆಟ್ ಸ್ಪಷ್ಟನೆ ಕೊರ್ತಿನ ಕರ್ನಾಟಕ ಕೆಎಸ್ಆರ್ಟಿಸಿ ಅಧಿಕಾರಿಲು, ಬಸ್ಡ್ ಒವ್ವೇ ಬ್ರೇಕ್ ಫೈಲ್ ಅತ್ತ್ಂಡ ತಾಂತ್ರಿಕ ದೋಷ ಇಜ್ಜಾಂಡ್. ಡ್ರೈವರ್ನ ಗೋಸ್ಮರಿ ಬೊಕ್ಕ ಬಾರೀ ಬರಸ್ಡ್ ಗಾಡಿ ಬುಡೊಂದು ಪೋತಿನವೇ ಎಡ್ತೆಗ್ ನೆವನ ಪನ್ದ್ ದೃಢ ಮಲ್ದೆರ್.