Last updated on September 3rd, 2025 at 10:05 am
ಬೆದ್ರ, ಸೆ. 3: ಸ್ಟೇಶನ್ಡ್ ಒಯಿಲ್ ಬರೆಪಾಯೆರ ಬತ್ತಿತ್ತಿನ ಪೊಂಜೊವುಗು ಫೋನ್ ಮಲ್ತ್ದ್ ಅಶ್ಲೀಲವಾದ್ ಪಾತೆರೊಂದಿತ್ತಿನ ಅಂಚೆನೇ ಅಶ್ಲೀಲ ಸೊಲ್ಲಂಜೊಲೆನ್ ಕಡಪುಡೊಂದಿತ್ತಿನ ಬೆದ್ರದ ಪೊಲೀಸ್ ಸಿಬಂದಿ, ಕೊಪ್ಪಳ ಮೂಲೊದ ಶಾಂತಪ್ಪೆ ಪನ್ಪಿನಾಯನ ಮಿತ್ತ್ ಪ್ರಕರಣ ದಾಕಲಾದಿತ್ತ್ದ್ ಅಂಗಾರೆ ಬೇಲೆರ್ದ್ ಸಸ್ಪೆಂಡ್ ಮಲ್ತ್ದೆರ್.
ತೋಡಾರ್ ಕೈತಲ್ದ ಮದಿಮೆ ಆತಿನ ಪೊಂಜೊವು ಒರ್ತಿ ಆಗಸ್ಟ್ 23ತಾನಿ ಕೌಟುಂಬಿಕ ಸಮಸ್ಯೆದ ಬಗೆಟ್ ಬೆದ್ರ ಸ್ಟೇಶನ್ಡ್ ಒಯಿಲ್ ಬರೆಪಾದಿತ್ತ್ದ್, ಅವೆರ್ದ್ ಬೊಕ್ಕ ಕಂಡನೆ ಬೊಕ್ಕ ಬೊಡೆದೀನ್ ಲೆಪ್ಪುಡಾದ್ ಮಧ್ಯಸ್ಥಿಕೆ ಮಲ್ತ್ದ್ ಪ್ರಕರಣೊಗು ಪಿರಿಕಟ್ಟ್ ಮಲ್ತಿತ್ತೆರ್. ಅವೆರ್ದ್ ಬೊಕ್ಕ ಆರೋಪಿ ಪೋಲೀಸ್ ಶಾಂತಪ್ಪೆ, ಒಯಿಲ್ದ ಕಾಪಿಡ್ ಬರೆದಿತ್ತಿನ ಪೊಂಜೊವುನ ನಂಬರ್ ದೆತ್ತ್ದ್ ಆಲೆಡ ಪಾತೆರ್ಯೆರ ಪತ್ತ್ದೆ. ಪೊಂಜೊವು ಆಯನ ವಾಯ್ಸ್ ರೆಕಾರ್ಡ್ ಮಲ್ತ್ದ್ ದಾಖಲೆದ ಒಟ್ಟುಗು ಸೆ. 1ತಾನಿ ಒಯಿಲ್ ಬರೆಪಾದೆರ್. ಮಿತ್ತ್ದಧಿಕಾರಿಲೆನ ಆದೇಶದ ಪ್ರಕಾರ ಬೆದ್ರ ಪೊಲೀಸ್ ನಿರೀಕ್ಷಕೆ ಸಂದೇಶ್ ಪಿ.ಜಿ. ಪ್ರಕರಣ ದಾಕಲ್ತೊಂದು ಕ್ರಮ ಗೆತೊಂದೆರ್.