Last updated on September 5th, 2025 at 12:46 pm
ಉಬಾರ್, ಸೆ. 05: ಕಿದೆರ್ದ್ ಸನೆತ ಪೆತ್ತೊನು ಕನ್ಡ್ದ್ ಕೊನೊದು, ಬೊಕ್ಕ ಪೆತ್ತದ ದನಿನ ಜಾಗೆಡೇ ಕೆರ್ದ್ ಅವೆನ್ ಮಾಸ ಮಲ್ತ್ ಕೊನೊತಿನ ನಡಕೆ ಉಬಾರ್ ಪೊಲೀಸ್ ಸ್ಟೇಶನ್ ಸೀಮೆದ ಪೆರ್ನೆ ಗ್ರಾಮೊದ ಕಡಂಬು ಪನ್ಪಿನಲ್ಪ ಕೋಡೆ ನಡತ್ದ್ಂಡ್.
ದೇಜಪ್ಪ ಮೂಲ್ಯೆರ್ನ ಕಿದೆರ್ದ್ ಸನೆತ ಪೆತ್ತೊನು ಕನ್ಡ್ದ್ ಕೊನೊಯಿನ ಕೆಂಗುಡೆರ್ ಆರೆನ ಜಾಗೆಡೇ ಕೆರ್ದ್, ಮಾಸ ಮಲ್ತ್ದ್ ಕೊನೊತೆರ್. ಈ ಬಗೆಟ್ ಆರ್ ಪೊಲೀಸೆರೆಡ ಒಯಿಲ್ ಬರೆಪಾದೆರ್. ರಾತ್ರೆ 2.30 ಮುಟ್ಟಲಾ ಪೆತ್ತ ಕಿದೆಟ್ ಇಪ್ಪುನೆನ್ ತೂತೆರ್, ಕಾಂಡೆ 6.30ಕ್ ಕಿದೆಕ್ ಪೋದು ತೂನಗ ತೋಜೊಂದಿಜ್ಜಂಡ್. ಒರ್ಮೆಲಾ ನಾಡ್ನಗ ಪೆತ್ತದ ದೊಗಲೆ ಬೊಕ್ಕ ಅಂಗಾಂಗೊಲು ಬಿರ್ಕ್ದಿನ ತೋಜಿದ್ ಬೈದ್ಂಡ್. ಕಲ್ವ ಕೆಂಗುಡೆರ್ ಅಲ್ಪನೇ ಕೆರ್ದ್ ದೊಗಲೆ ಕಲೆದ್ ಮಾಸೊನು ಪತೊಂದು ಪೋತೆರ್ ಪನ್ದ್ ತೆರಿಪಾದೆರ್. ಆರೋಪಿಲೆನ್ ಪತ್ತ್ದ್ ನ್ಯಾಯ ದೆಪ್ಪಾದ್ ಕೊರೊಡು ಪನ್ದ್ ಅಗ್ರಹ ಮಲ್ತ್ದೆರ್.
ಜಾಗೆಗ್ ಪುತ್ತೂರು ಉಪ ವಿಭಾಗೊದ ಡಿವೈಎಸ್ಪಿ ಅರುಣ್ ನಾಗೇಗೌಡ, ಗ್ರಾಮಾಂತರ ಸ್ಟೇಷನ್ದ ವೃತ್ತ ನಿರೀಕ್ಷಕೆ ರವಿ ಬಿ.ಎಸ್, ಉಬಾರ್ ಸ್ಟೇಷನ್ ಉಪನಿರೀಕ್ಷಕೆ ಅವಿನಾಶ್ ಗೌಡ ಬೊಕ್ಕ ಸಿಬ್ಬಂದಿಲು ಬತ್ತ್ದ್ ಪರಿಶೀಲನೆ ಮಲ್ತ್ದೆರ್.
24 ಗಂಟೆಡ್ ಆರೋಪಿಲೆನ್ ಪತ್ತಿಜಿಂಡ ಮಲ್ಲ ಪೊರ್ಮ್ಬಾಟ ಮಲ್ಪುವ ಪನ್ದ್ ಹಿಂದೂ ಸಂಘಟನೆಲು ಎಚ್ಚರ್ಗೆ ಕೊರ್ತ.