Last updated on September 13th, 2025 at 10:40 am
ಕುಡ್ಲ, ಸೆ. 12: ಮುಖ್ಯಮಂತ್ರಿಲೆನ್ ಈಡ್ ಮಲ್ತ್ದ್ ಸಾಮಾಜಿಕ ಮಾಧ್ಯಮೊಡು ಆಕ್ಷೇಪಾರ್ಹ ಪೋಸ್ಟ್ ಪ್ರಕಟ ಮಲ್ತಿನ ಆರೋಪಡ್ ಟಿವಿ ವಿಕ್ರಮದ ಮುಖ್ಯಸ್ಥೆ ಮಹೇಶ್ ವಿಕ್ರಂ ಹೆಗ್ಡೆ (45) ರೆನ್ ಪೊಲೀಸೆರ್ ಕೈದ್ ಮಲ್ತ್ದೆರ್.
ಹೆಗ್ಡೆರ್ ತನ್ನ ‘ಪೋಸ್ಟ್ ಕಾರ್ಡ್’ ಪನ್ಪಿ ಫೇಸ್ಬುಕ್ ಅಕೌಂಟ್ಡ್, “ಮಾನ್ಯ ಮುಖ್ಯಮಂತ್ರಿಲೇ, ಗಣಪತಿ ಮೆರವಣಿಗೆದ ಮಿತ್ತ್ ಕಲ್ಲ್ ದಕ್ಕಿನ ಪಲ್ಲಿದ ಮಿತ್ತ್ ಒರ ಬುಲ್ಡೋಜರ್ ಕಡಪುಡುನ ತಂಕೊನು ಈರ್ ಒರ ತೂಪಾಯರ್ನ್ಡ, ಬರ್ಪಿ ವರ್ಸ ರಾಜ್ಯೊಡು ಇಂಚಿನ ನಡಕೆ ಒಲ್ಪಲಾ ನನೊರ ಆಪುಜಿ” ಪನ್ಪಿ ಪೋಸ್ಟ್ ಪ್ರಕಟ ಮಲ್ತಿತ್ತೆರ್.
ಉಂದೆಕ್ ಸಂಬಂಧಿತ್ದ್, ಬೆದ್ರ ಪೊಲೀಸ್ ಸ್ಟೇಶನ್ಡ್ ಬಿಎನ್ಎಸ್ ಕಾಯ್ದೆದ ಸೆಕ್ಷನ್ 353(2)ರ ಅಡಿಟ್ ಪ್ರಕರಣ (ಕ್ರೈಮ್ ನಂ. 143/2025) ದಾಕಲಾತ್ಂಡ್. ಜಡ್ತೆ ಮಲ್ತಿನ ಬೆದ್ರ ಪೊಲೀಸೆರ್ ಬೆಂಗಳೂರ್ಡ್ ಆರೆನ್ ಕೈದ್ ಮಲ್ತ್ದ್, ಸೆಪ್ಟೆಂಬರ್ 12ತಾನಿ ಬೆದ್ರ ಸಿಜೆ ಬೊಕ್ಕ ಕೆಎಂಎಫ್ಸಿ ನ್ಯಾಯಂತಡೆದ ಎದುರು ಲೆತೊಂದು ಪೋತೆರ್.
ನ್ಯಾಯಂತಡೆ ಆರೆನ್ ಸೆಪ್ಟೆಂಬರ್ 15ಮುಟ್ಟ ನ್ಯಾಯಾಂಗ ಕೈದ್ಗ್ ಒಪ್ಯಾದ್ಂಡ್.