Last updated on September 13th, 2025 at 12:27 pm
ಪುತ್ತೂರು, ಸೆ. 13: ಪತ್ತ್ ವರ್ಸೊಗು ದುಂಬು ಪುತ್ತೂರ್ಡ್ ಕೆಎಸ್ಸಾರ್ಟಿಸಿ ಬಸ್ಗ್ ಅಡ್ಡಪಾಡ್ದ್ ಡ್ರೈವರ್ಗ್ ಆಕ್ದಿನ ಪ್ರಕರಣೊಡು ಪುತ್ತೂರು ನ್ಯಾಯಂತಡೆ ಆರೋಪಿಲೆಗ್ ಶಿಕ್ಷೆ ಕೊರ್ದು ಆದೇಶ ಮಲ್ದ್ಂಡ್.
2015ತ ಅ. 4ತಾನಿ ಪುತ್ತೂರು ಅಳಿಕೆಡೆ ಆದ್ ಪೋವೊಂದಿತ್ತಿನ ಬಸ್ ಕಬಕ ಗ್ರಾಮೊದ ಮುರ ಪನ್ಪಿನಡೆ ಎತ್ತ್ನಗ ಆರೋಪಿಲಾಯಿನ ಇರ್ಫಾನ್, ಇರ್ಫಾನ್ ಕೊಡಿಪ್ಪಾಡಿ, ತೋಹಮನ್ ಬೈಕ್ಡ್ ಬತ್ತ್ದ್, ಬಸ್ಗ್ ಅಡ್ಡ ದೀದ್, ಡ್ರೈವರ್ಗ್ ಆಕ್ದಿನ ಬಗೆಟ್ ಪುತ್ತೂರು ನಗರ ಸ್ಟೇಶನ್ಡ್ ಪ್ರಕರಣ ದಾಕಲಾದಿತ್ತ್ಂಡ್. ಪುತ್ತೂರು ನಗರ ಸ್ಟೇಶನ್ದ ಅಪಗದ ತನಿಖಾಧಿಕಾರಿ ಉಪನಿರೀಕ್ಷಕೆ ಅಬ್ದುಲ್ ಆರೋಪಿಲೆನ ಮಿತ್ತ್ ದೋಷಾರೋಪಣ ಪತ್ರ ಸಂದಾದಿತ್ತೆರ್.
ಪ್ರಕರಣೊಡು ಪ್ರಧಾನ ಪೆರಿಯ ಸಿವಿಲ್ ಬೊಕ್ಕ ಎಸಿಜೆಎಂ ನ್ಯಾಯಂತಡೆದ ನ್ಯಾಯಾಧೀಶೆರ್ ಆರೋಪಿಲೆನ ಮಿತ್ತ್ದ ಆರೋಪ ಸಾಬೀತ್ ಆತಿನೆರ್ದಾವರ ಶಿಕ್ಷೆ ಕೊರ್ದು ಆದೇಶ ಮಲ್ದೆರ್.