Last updated on September 13th, 2025 at 05:31 pm
ಸುಳ್ಯ, ಸೆ. 13: ಸ್ವಾತಂತ್ರ್ಯ ಪೊರ್ಮ್ಬಾಟಗಾರ್ತಿ, ತುಳುವೆದಿ, ಅಭಯರಾಣಿ ಅಬ್ಬಕ್ಕನ 500ನೇ ಜಯಂತ್ಯೋತ್ಸವದ ಲೆಕ್ಕೊಡು ಎಬಿವಿಪಿ ತೆನ್ಕಾಯಿ ಕರ್ನಾಟಕ ಪ್ರಾಂತೊದ ಕಡೆರ್ದ್ ನೇಲ್ಯ ರಥಯಾತ್ರೆದ ಅಟ್ಟನೆ ಮಲ್ತ್ದ್ಂಡ್.
ಈ ತೇರ್ ತೇದಿ 15/09/2025 ತ ಬಯ್ಯ 6:00 ಗಂಟೆಗ್ ಸುಳ್ಯಗ್ ಎತ್ತೆರೆ ಉಂಡು. ಗಾಂಧಿನಗರ ಪೆಟ್ರೋಲ್ ಬಂಕ್ದ ಎದುರು ತೇರ್ನ್ ಎದುಕೊನೊಂದು, ಬೊಕ್ಕ ಲಾಲ್ ಬಹದ್ದೂರ್ ಶಾಸ್ತ್ರಿ ಸರ್ಕಲ್ ಮುಟ್ಟ ಜೀಟಿಗೆದ ಮೆರವಣಿಗೆ ಅಂಚೆನೇ ಶೋಭಾಯಾತ್ರೆದ ಮುಕೇನ ಪೋದು ಲಾಲ್ ಬಹದ್ದೂರ್ ಶಾಸ್ತ್ರಿ ಸರ್ಕಲ್ದ ಕೈತಲ್ ಸಭಾ ಕಾರ್ಯಕ್ರಮ ನಡಪರೆಗುಂಡು.
ವಿದ್ಯಾರ್ಥಿಲು ಬೊಕ್ಕ ಸಾರ್ವಜನಿಕೆರ್ ಜೀಟಿಗೆ ಮೆರವಣಿಗೆ ಬೊಕ್ಕ ಸಭಾ ಕಾರ್ಯಕ್ರಮೊಡು ಎಚ್ಚಿನ ಸಂಖ್ಯೆಡ್ ಪಾಲ್ಪಡೆದ್ ಲೇಸ್ನ್ ಗೆಂದಾದ್ ಕೊರೊಡು ಪನ್ದ್ ಸಂಯೋಜಕೆರ್ ಕೇನೊನ್ದೆರ್.