Last updated on September 16th, 2025 at 02:56 pm
ಕುಡ್ಲ, ಸೆ. 16: ಪಾಕ ತಿಂಗೊಲುರ್ದಿಂಚಿ ಇಪ್ಪುನ ಕೆಂಪು ಕಲ್ಲ್ದ ಸಮಸ್ಯೆಗ್ ಪಿರಿಕಟ್ಟ್ ಮಲ್ತ್ದ ಪನ್ದ್ ಸ್ಪೀಕರ್ ಯುಟಿ ಖಾದರ್ ಘೋಷಣೆ ಮಲ್ತಿತ್ತ್ದ್, ಒಂತೆ ದಿನೊಟು ಪ್ರಮಾಣಿತ ಕಾರ್ಯಾಚರಣಾ ಕಾರ್ಯವಿಧಾನ (ಎಸ್ಒಪಿ) ಬುಡುಗಡೆ ಆಪುಂಡು ಪನ್ದ್ ಪನ್ಡೆರ್.
ಸುದ್ದಿಗಾರೆರೆಡ ಪಾತೆರ್ನ ಖಾದರ್, ಕರಿನ ಸಚಿವ ಸಂಪುಟ ಇನಯೊಡು, ದುಂಬು ಪತ್ತ ಲೈಸೆನ್ಸ್ದ ಕುಂದೆಲ್ರ್ದಾವರ ಉಂಡಾಯಿನ ಗೊಂದಲ, ದುರುಪಯೋಗ ಬೊಕ್ಕ ಕುಡೊರ ಇಂಚ ಆವಂದಿಲೆಕ ಶಾಶ್ವತ ಪಿರಿಕಟ್ಟ್ ಮಲ್ದ್ಂಡ್ ಪನ್ದ್ ಪನ್ಡೆರ್. ಇತ್ತೆ ಪೊಸ ಕಾನೂನು ಮಲ್ತಿತ್ತ್ದ್, ಕೆಂಪು ಕಲ್ಲ್ ಮಾರುನಕುಲು ಕಾನೂನುಬದ್ಧವಾದ್ ವೈವಾಟ್ ಮಲ್ಪೆರೆ ಅನು ಮಲ್ತ್ ಕೊರ್ತುಂಡು. ನನ ಏರ್ಲಾ ವೈವಾಟ್ಗ್ ಜಪ್ಪುಂಡಲಾ ಲೈಸೆನ್ಸ್ ದೆತೊಂದು ಜಪ್ಪೊಡು ಪನ್ದ್ ಪನ್ಡೆರ್.
ಪೊಸ ನೀತಿಗ್ ಸಚಿವ ಸಂಪುಟ ಅನುಮೋದನೆ ಕೊರ್ದಿತ್ತ್ದ್, ಮುಖ್ಯಮಂತ್ರಿಲಾ ಒಪ್ಪಿಗೆ ಕೊರ್ತೆರ್. ಕೆಂಪು ಕಲ್ಲ್ದ ವೈವಾಟ್ಗ್ 53 ಅರ್ಜಿಲೆಡ್ 25 ಅರ್ಜಿದಾರೆರೆಗ್ ಪೊಸ ಕಾನೂನು ಚೌಕಟ್ಟ್ಡ್ ಲೈಸೆನ್ಸ್ ಕೊರ್ದಾತ್ಂಡ್ ಪನ್ದ್ ಪನ್ಡೆರ್.
ಕೆಂಪು ಕಲ್ಲ್ಗ್ ರೇಟ್ ಫಿಕ್ಸ್
ಕೆಂಪು ಕಲ್ಲ್ಗ್ ರೇಟ್ ಫಿಕ್ಸ್ ಮಲ್ಪುನೆತ ಬಗೆಟ್ ಚರ್ಚೆ ಮಲ್ಪುವ. ಜನ ಸಾಮಾನ್ಯೆರೆಗ್ ಸುಲಭ ಬೊಕ್ಕ ಕಮ್ಮಿ ಕಾಸ್ಡ್ ತಿಕ್ಕುಲೆಕ ಮಲ್ಪುವ. ಒವ್ವೇ ನೆವನೊಡು ದುಂಬುರ್ದು ಎಚ್ಚ ಕಾಸ್ ದೆತೊನಂದಿಲೆಕ ತೂವೊನುವ ಪನ್ದ್ ಪನ್ಡೆರ್. ನನದ ದಿನೊಟು ಈ ಬಗೆಟ್ ಕ್ರಮ ದೆತೊಂದು ಸರ್ಕಾರೊನೇ ರೇಟ್ ಫಿಕ್ಸ್ ಮಲ್ಪುಂಡು ಪನ್ದ್ ಖಾದರ್ ಪನ್ಡೆರ್.