Last updated on September 18th, 2025 at 10:38 am
ಕುಡ್ಲ, ಸೆ. 18: ಕುಡ್ಲದ ಪುಗರ್ತೆದ ಹೊಟೇಲ್ ಹಂಪನಕಟ್ಟೆದ ಪೂಂಜಾ ಇಂಟರ್ನ್ಯಾಶನಲ್ದ ದನಿ, ಬಂಟ್ವಾಳ ಮೂಲೊದ ಪ್ರಭಾಕರ ಪೂಂಜೆರ್(72) ಒಂತೆಸಮೆರ್ದಿಂಚಿ ಉಸಾರ್ತತ್ತ್ದ್ ಇತ್ತ್ದ್ ಪೇಂಟೆದ ಪ್ರೈವೇಟ್ ಆಸ್ಪತ್ರೆಡ್ ಕೋಡೆ ತೀರ್ದೆರ್.
40 ವರ್ಸೊಗು ದುಂಬು ಮುಂಬೈಡ್ ಇತ್ತಿನ ಪ್ರಭಾಕರ ಪೂಂಜಾ, ಬೊಕ್ಕ 1986ಟ್ ಕುಡ್ಲಗ್ ಬತ್ತ್ದ್ ಪೂಂಜಾ ಇಂಟರ್ನ್ಯಾಶನಲ್ ಹೊಟೇಲ್ ಕಟ್ಟಾದಿತ್ತೆರ್. ಆ ಪೊರ್ತುಡು ಕುಡ್ಲಡ್ ಮೋತಿ ಮಹಲ್ ಬುಡ್ನ್ಡ ಗರ್ದ್ದ ಬೊಕ್ಕ ಮಲ್ಲ ಹೊಟೇಲ್ ಪನ್ದ್ ಪೂಂಜಾ ಹೊಟೇಲ್ ಪುದರ್ ಮಲ್ತಿತ್ತ್ಂಡ್. ಪ್ರಭಾಕರ ಪೂಂಜೆರ್ ತನ್ನ ವೈವಾಟ್ದ ಚಾತುರ್ಪು ಬೊಕ್ಕ ಸ್ಥಳೀಯ ವಾಣಿಜ್ಯ ಕ್ಷೇತ್ರೊಗು ಕೊರ್ತಿನ ಕೊರ್ಪುಗೆಲೆರ್ದ್ ಆರೆಗ್ ನೆಟೆ ಎಡ್ಡೆ ಗೌರವ ಇತ್ತ್ಂಡ್. ಆರೆನ ಅಗಪುಗು, ಪಾಕ ಗಣ್ಯೆರ್ ಸಂತಾಪ ತೂಪಾದೆರ್.