Last updated on September 20th, 2025 at 02:29 pm
ಕುಂದಾಪುರ ಸೆಪ್ಟೆಂಬರ್ 20: ಇಲ್ಲಗ್ ಪಿರ ಬರಂದೆ ನಾಪತ್ತೆ ಆದಿತ್ತಿನ ಹೆಮ್ಮಾಡಿದ ಫಸ್ಟ್ ಪಿಯುಸಿ ವಿದ್ಯಾರ್ಥಿನ ಪುನ ಶನಿವಾರ ಕಾಂಡೆ ಗಂಗೊಳ್ಳಿಯ ದಾಕುಬಿತ್ತಿಲ್ ಸುದೆಬರಿಟ್ ತಿಕ್ಕ್ದ್ಂಡ್.
ತೀರ್ದಿನ ವಿದ್ಯಾರ್ಥಿ ಹೆಮ್ಮಾಡಿ ಸಂತೋಷನಗರೊದ ನಿವಾಸಿ ಲವೇಶ್ ಪೂಜಾರ್ಲೆನ ಮಗೆ ನಮೇಶ್ (17) ಪನ್ದ್ ಗುರ್ತ ಪತ್ತ್ದೆರ್.
ಗುರುವಾರ ಬಯ್ಯ ಕಾಲೇಜ್ ಬುಡ್ದು ನವೇಶ್ ಇಲ್ಲಗ್ ಪಿರ ಬತ್ತಿಜ್ಜಂಡ್. ಇಂಚಿಪ ಆತೇ ಅಮ್ಮೆರ್ ಕೊರ್ಪಾದಿನ ಐಫೋನ್ ಮೊಬೈಲ್ ನ್ ಇಲ್ಲಡೇ ದೀದ್ ಬೈಕ್ಡ್ ಪೋದಿತ್ತಿನ ನಮೇಶ್ ಹೆಮ್ಮಾಡಿ ಮುಟ್ಟದ ಕನ್ನಡಕುದ್ರು ಸುದೆಬರಿಟ್ ಬೈಕ್ ಬೊಕ್ಕ ತನ್ನ ಕಾಲೇಜ್ ಬ್ಯಾಗ್ ದೀದ್ ನಾಪತ್ತೆ ಆದಿತ್ತೆ.
ನಮೇಶ್ ರಾತ್ರೆ ಆಂಡಲಾ ಇಲ್ಲಗ್ ಬರಂದಿನೆನ್ ತೂದು ಇಲ್ಲದಕುಲು ಕುಂದಾಪುರ ನಗರ ಸ್ಟೇಶನ್ಡ್ ಒಯಿಲ್ ಬರೆಪಾದ್ ನಾಡ್ಯೆರ ಸುರು ಮಲ್ತ್ದೆರ್. ಗುರುವಾರ ತಿಕ್ಕಂದಿನೆರ್ದಾವರ ಶುಕ್ರವಾರಲಾ ನಾಡ್ದೆರ್, ಅಗ್ನಿಶಾಮಕದಳ ಬೊಕ್ಕ ಗಂಗೊಳ್ಳಿದ ಮೀಂದುನಾರ್ ದಿನೇಶ್ ಖಾರ್ವಿ ಬೊಕ್ಕ ಮುಟ್ಟದಕುಲು ಕನ್ನಡಕುದ್ರು ಸುದೆಟ್ ಬಯ್ಯ ಮುಟ್ಟ ನಾಡ್ದೆರ್.
ಶನಿವಾರ ಕಾಂಡೆ ನಮೇಶ್ನ ಪುನ ಗಂಗೊಳ್ಳಿ ದಾಕುಹಿತ್ಲು ಸುದೆಬರಿಟ್ ತಿಕ್ಕ್ದಿತ್ತ್ದ್, ಸಾವುಗು ಪತ್ತ ನೆವನ ನನ ತೆರಿದ್ ಬರೊಡಾತೆ.