Last updated on October 8th, 2025 at 11:04 am
ಒಡಿಪು, ಅ. 08: ಪ್ರೈವೇಟ್ ಬಸ್ ಬೊಕ್ಕ ಬೈಕ್ದ ನಡುಟು ನಡತಿನ ಭೀಕರ ಎಡ್ತೆಡ್ ಬೈಕ್ ಬುಡೊಂದಿತ್ತಿನಾರ್ ತೀರ್ದಿನ ನಡಕೆ ಒಡಿಪು ಮುಟ್ಟದ ಅಂಬಾಕಿಲ್ ಜಂಕ್ಷನ್ಡ್ ಕೋಡೆ ರಾತ್ರೆ ನಡತ್ದ್ಂಡ್. ತೀರ್ದಿನಾರೆನ್ ಪುತ್ತೂರು ಸುಬ್ರಮಣ್ಯ ನಗರೊದ ರವಿ ಪೂಜಾರಿ (44) ಪನ್ದ್ ಗುರ್ತ ಪತ್ತ್ದೆರ್.
ಕುಂದಾಪುರರ್ದ್ ಒಡಿಪು ದಂಚಿ ಬರೊಂದಿತ್ತಿನ ಪ್ರೈವೇಟ್ ಬಸ್ ಬೈಕ್ಗ್ ಎಡ್ತ್ದ್ಂಡ್ಗೆ. ಉಂದೆರ್ದಾವರ ಬಸ್ಸ್ದಡಿಕ್ ಬೂರ್ದು ಗಾತಿದ ಗಡಿಕುಲಾತಿನಾರೆನ್ ಒಡಿಪುದ ಆಸ್ಪತ್ರೆಗ್ ಲೆತೊಂದು ಪೋಪುನ ಸಾದಿನಡುಟು ತೀರ್ದೆರ್ ಪನ್ದ್ ತೆರಿದ್ ಬೈದ್ಂಡ್.
ಈ ಬಗೆಟ್ ಒಡಿಪು ಟ್ರಾಫಿಕ್ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.