Last updated on October 8th, 2025 at 02:34 pm
ಕಾರ್ಲ, ಅ. 08: ಕರಿನ 13 ವರ್ಸೊರ್ದಿಂಚಿ ಕಾಣೆ ಆದಿತ್ತಿನ ಕಾರ್ಲದ ಜವನೆ ಬೆಂಗಳೂರ್ಡ್ ಬುಧವಾರ ತಿಕ್ಕ್ದೆರ್.
ಪ್ರಭಾಕರ ಪ್ರಭು ಪನ್ಪಿನಾರೆನ ಮಗೆ ಅನಂತ ಕೃಷ್ಣ ಪ್ರಭು (16), ಮುಂಡೂರ್ದ ಕಾಲೇಜ್ದ ಫಸ್ಟ್ ಪಿಯುಸಿ ಓದುನಗ, ತೇದಿ 06/12/2012 ತಾನಿ ಇಲ್ಲರ್ದ್ ದೇಲಂತಡೆಗ್ ಪೋದು ಬರ್ಪೆ ಪನ್ದ್ ಪೋತಿನಾಯೆ, ಪಿರ ಬತ್ತಿಜ್ಜಂಡ್. ಈ ಬಗೆಟ್ ಆರೆನ ಅಮ್ಮೆರ್ ಬರೆಪಾದಿನ ಒಯಿಲ್ದ ಆಧಾರೊಡು ಕಾರ್ಲ ಗ್ರಾಮಾಂತರ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾದಿತ್ತ್ಂಡ್.
ಈ ಪ್ರಕರಣೊದ ಜಡ್ತೆಗ್ ವಿಶೇಷ ಕೂಟ ಉಂಡು ಮಲ್ತ್ದ್, ಬೇತೆ ಬೇತೆ ಆಯಾಮೊಲೆಡ್ ಪರಿಶೀಲನೆ ನಡತ್ಂಡ್. ಜಡ್ತೆ ಕೂಟ ಪರಿಶೀಲನೆ ಮಲ್ತ್ದ್, ಅನಂತ ಕೃಷ್ಣ ಪ್ರಭು (29) ಇತ್ತೆ ಬೆಂಗಳೂರ್ಡ್ ಇಪ್ಪುನೆನ್ ದೃಢ ಮಲ್ತ್ಂಡ್.
13 ವರ್ಸೊರ್ದಿಂಚಿ ತೋಜಂದೆ ಇತ್ತಿನ ಜವನೆ ಇನಿ ಸುರಕ್ಷಿತವಾದ್ ಪಿರ ತಿಕ್ಕ್ದೆರ್.
ಜಡ್ತೆ ಕೂಟಡ್ ಪ್ರಭು ಡಿ ಟಿ, ಪೊಲೀಸ್ ಉಪಾಧೀಕ್ಷಕೆರ್, ಉಡುಪಿ ಉಪವಿಭಾಗ; ಸುದರ್ಶನ್ ದೊಡಮನಿ, ಪೊಲೀಸ್ ಉಪನಿರೀಕ್ಷಕೆರ್, ಬ್ರಹ್ಮಾವರ; ಈರಣ್ಣ ಶಿರಗುಂಪಿ, ಪೊಲೀಸ್ ಉಪನಿರೀಕ್ಷಕೆರ್, ಒಡಿಪು ನಗರ; ಹೆಚ್ಸಿ ಇಮ್ರಾನ್, ಹೆಚ್ಸಿ ಚೇತನ್; ಪಿಸಿ ಸಂತೋಷ್ ದೇವಾಡಿಗ ಬೊಕ್ಕ ಪಿಸಿ ಮಲ್ಲಯ್ಯ ಹಿರೇಮಠ ಇತ್ತೆರ್.