Last updated on October 11th, 2025 at 03:19 pm
ಚಿಕ್ಕೋಡಿ, ಅ. 11: ಮೋಕೆ ಮಲ್ತಿನ ಆಣ್ ಪೊಣ್ಣು ಅಪ್ಪೆಅಮ್ಮನ ವಿರೋಧೊದ ನಡುಟು ಬಲ್ತ್ ಪೋದು ಮದಿಮೆ ಆಂಡ ತನ್ಕುಲೆ ಆಸೆಗ್ ವಿರುದ್ಧವಾದ್ ಮದಿಮೆ ಆಯಿನೆಕ್ ಇಲ್ಲದಕುಲು ಕೆರ್ಪಾವುನು, ಆಕಾವುನು ಮಾತ ಮಲ್ಪುನವು ಅಪಗಪಗ ನ್ಯೂಸ್ಲೆಡ್ ತೂವೊಂದುಪ್ಪುವ. ಆಂಡ, ಬೆಳಗಾವಿ ಜಿಲ್ಲೆದ ನಾಗರಾಳ ಗ್ರಾಮೊಡು ವಿಚಿತ್ರ ಪ್ರಕರಣ ವರದಿ ಆತ್ಂಡ್. ಮುಲ್ಪ, ಮೋಕೆ ಮಲ್ತ್ದ್ ಬಲ್ತಿನ ಮಗಲೆನ ಸಾವು ಮಲ್ತಿನ ಆಂಜೊವು ಒರಿ, ಇಡೀ ಊರ್ಗ್ ವನಸ್ ಪಾಡ್ಪಾದಿನ ನಡಕೆ ನಡತ್ದ್ಂಡ್. ಮಗಲ್ ಎನ್ನ ಪಾಲ್ಗ್ ಸೈತ್ ಪೋಯಲ್ ಪನ್ದ್ ಅಮ್ಮೆ ಇಡೀ ಊರ್ಗ್ ಸಾವುದ ವನಸ್ ಪಾಡ್ದೆರ್.
ಬೆಳಗಾವಿ ಜಿಲ್ಲೆದ ರಾಯಬಾಗ ತಾಲೂಕ್ದ ನಾಗರಾಳ ಗ್ರಾಮೊದ ಶಿವಗೌಡ ಪನ್ಪಿನಾರೆನ ಮಗಲ್ ಅವ್ವೇ ಗ್ರಾಮೊದ ವಿಠ್ಠಲ್ ಬಸ್ತವಾಡೆ ಪನ್ಪಿ ಆಣನ್ ಮೋಕೆ ಮಲ್ತೊಂದಿತ್ತಲ್. ಆಂಡ, ಅಪ್ಪೆಅಮ್ಮಗ್ ಉಂದು ಇಷ್ಟ ಇಜ್ಜಂಡ್. ಈ ಪೊರ್ತುಡೇ ಶಿವಗೌಡನ ಮಗಲ್ ವಿಠ್ಠಲ್ ಬಸ್ತವಾಡೆನ ಒಟ್ಟುಗು ಪದ್ರಾಡಾತಲ್. ಸುರುಕು ಶಿವಗೌಡೆರ್ ರಾಯಬಾಗ ಪೊಲೀಸ್ ಸ್ಟೇಶನ್ಡ್ ಮಿಸ್ಸಿಂಗ್ ಒಯಿಲ್ ಬರೆಪಾದೆರ್. ಬೊಕ್ಕ, ಮಗಲ್ ಚಙ್ಗಾಯಿನೊಟ್ಟು ಬಲ್ತಿನ ತೆರಿದ್ ಬೈದ್ಂಡ್. ಉಂದೆರ್ದಾವರ ಬೆಸರ್ಡ್ ಆರ್ ಮಗಲ್ ಎನ್ನ ಪಾಲ್ಗ್ ಸೈತ್ ಪೋತಲ್ ಪನ್ದ್ ಸಾವು ಕರಿತ್ದೆರ್.