Last updated on October 13th, 2025 at 04:53 pm
ಅ. 13: ದೆಲ್ಲಿಡ್ ನಡತೊಂದುಪ್ಪುನ ಭಾರತ ಬೊಕ್ಕ ವೆಸ್ಟ್ ಇಂಡೀಸ್ (India vs West Indies) ನಡುತ ರಡ್ಡನೇ ಟೆಸ್ಟ್ ಗೊಬ್ಬುದ ರಡ್ಡನೇ ಇನ್ನಿಂಗ್ಸ್ಡ್ ವಿಂಡೀಸ್ 390 ರನ್ಗ್ ಆಲೌಟ್ ಆತ್ಂಡ್. ಈ ಮುಕೇನ ಭಾರತೊಗು ಗೆಂದೆರ 121 ರನ್ದ ಟಾರ್ಗೆಟ್ ಕೊರ್ತುಂಡು. ಸುರುತ ಇನ್ನಿಂಗ್ಸ್ಡ್ ಭಾರತ 518 ರನ್ ಮಲ್ತ್ದ್ ಇನ್ನಿಂಗ್ಸ್ ಡಿಕ್ಲೇರ್ ಮಲ್ತಿತ್ತ್ಂಡ್. ಬೊಕ್ಕ ಬ್ಯಾಟಿಂಗ್ಗ್ ಬತ್ತಿನ ವಿಂಡೀಸ್ 248 ರನ್ಗ್ ಸುರುತ ಇನ್ನಿಂಗ್ಸ್ ಮುಗಿತ್ಂಡ್. ಅಂಚಾದ್ ಭಾರತ ಫಾಲೋ ಆನ್ ಪಾಡ್ದ್ ವಿಂಡೀಸ್ಗ್ ಕುಡ ಬ್ಯಾಟಿಂಗ್ ಮಲ್ಪೆರೆ ಲೆತ್ತ್ಂಡ್. ಆಂಡ ಎರಡನೇ ಇನ್ನಿಂಗ್ಸ್ಡ್ ಭಾರತೊಗು ಎಡ್ಡೆ ಪ್ರತಿರೋಧ ಕೊರ್ನ ವಿಂಡೀಸ್ 390 ರನ್ ಮಲ್ತ್ದ್, ಇನ್ನಿಂಗ್ಸ್ಡ್ ಸೋಪುನೆನ್ ತಪ್ಪಾದ್ ಭಾರತೊಗು 121 ರನ್ದ ಈಡ್ ಕೊರ್ತುಂಡು.
ಭಾರತೊದ ಪರ ಕುಲ್ದೀಪ್ ಯಾದವ್ ಬೊಕ್ಕ ಜಸ್ಪ್ರೀತ್ ಬುಮ್ರಾ ಮೂಜಿ ಮೂಜಿ ವಿಕೆಟ್ ಗೆತೊಂಡೆರ್, ಸಿರಾಜ್ ರಡ್ಡ್ ವಿಕೆಟ್, ಜಡೇಜೆ ಬೊಕ್ಕ ವಾಷಿಂಗ್ಟನ್ ಸುಂದರ್ ಒಂಜೊಂಜಿ ವಿಕೆಟ್ ಗೆತೊಂಡೆರ್.
ಅಕೇರಿದ ಇನ್ನಿಂಗ್ಸ್ ಗೊಬ್ಯೆರ ಜತ್ತಿನ ಭಾರತ ನಾಲನೇ ದಿನೊತ ಅಕೇರಿಗ್ ಯಶಸ್ವಿ ಜೈಸ್ವಾಲ್ನ ವಿಕೆಟ್ ಕಲೆಯೊಂದು 63 ರನ್ ಮಲ್ದ್ಂಡ್. ಗೆಂದೆರೆ ನನ 90 ಓವರ್ಡ್ 58 ರನ್ ಮಲ್ಪೊಡು. ಕೆ. ಎಲ್. ರಾಹುಲ್ 25 ಬೊಕ್ಕ ಸಾಯಿ ಸುದರ್ಶನ್ 30 ರನ್ ಮಲ್ತ್ದ್ ಕ್ರೀಸ್ಡ್ ಉಲ್ಲೆರ್.