Last updated on October 14th, 2025 at 10:44 am
ಅ. 14: ದೆಲ್ಲಿದ ಅರುಣ್ ಜೇಟ್ಲಿ ಸ್ಟೇಡಿಯಂಡ್ ನಡತಿನ ವೆಸ್ಟ್ ಇಂಡೀಸ್ದ ಎದುರುದ 2ನೇ ಟೆಸ್ಟ್ ಗೊಬ್ಬುಡು ಭಾರತ 7 ವಿಕೆಟ್ಡ್ ಗೆಂದ್ದ್ಂಡ್. ಈ ಗೆಲ್ಮೆದೊಟ್ಟುಗು ರಡ್ಡ್ ಪಂದ್ಯೊಲೆನ ಸೀರೀಸ್ನ್ ಟೀಮ್ ಇಂಡಿಯಾ 2-0 ಅಂತರೊಡು ಕ್ಲೀನ್ ಸ್ವೀಪ್ ಮಲ್ತ್ದ್ಂಡ್. ಈ ಗೊಬ್ಬುಡು ಟಾಸ್ ಗೆಂದ್ದ್ ಸುರುಕು ಬ್ಯಾಟಿಂಗ್ ಮಲ್ತಿನ ಟೀಮ್ ಇಂಡಿಯಾ ಪರ ಯಶಸ್ವಿ ಜೈಸ್ವಾಲ್ (175) ಬೊಕ್ಕ ಶುಭ್ಮನ್ ಗಿಲ್ (129) ಶತಕ ಮಲ್ತೆರ್. ಈ ಸೆಂಚುರಿಲೆನ ಸಕಾಯೊಡು ಭಾರತ ಸುರುತ ಇನಿಂಗ್ಸ್ಡ್ 5 ವಿಕೆಟ್ ಕಲೆಯೊಂದು 518 ರನ್ ಮಲ್ತ್ದ್ ಡಿಕ್ಲೇರ್ ಮಲ್ತ್ಂಡ್.
ಉಂದೆತ ಬೆರಿಟೇ ಅಕ್ಲೆನ ಸುರುತ ಇನಿಂಗ್ಸ್ ಗೊಬ್ಬಿನ ವೆಸ್ಟ್ ಇಂಡೀಸ್ ಕೂಟ ಕಾಲಿ 248 ರನ್ಗ್ ಆಲೌಟ್ ಆಂಡ್. 270 ರನ್ ಎದುರು ಇತ್ತಿನ ಟೀಮ್ ಇಂಡಿಯಾ ಫಾಲೋ ಆನ್ ಪಾಡ್ಂಡ್. ಆ ಪ್ರಕಾರ ರಡ್ಡನೇ ಇನಿಂಗ್ಸ್ ಸುರು ಮಲ್ತಿನ ವೆಸ್ಟ್ ಇಂಡೀಸ್ ಪರ ಜಾನ್ ಕ್ಯಾಂಪ್ಬೆಲ್ (115) ಬೊಕೂ ಶೈ ಹೋಪ್ (103) ಶತಕ ಮಲ್ತೆರ್.
ಏಳನೇ ಕ್ರಮಾಂಕೊಡು ಕಲೊಕು ಜತ್ತಿನ ಜಸ್ಟಿನ್ ಗ್ರೀವ್ಸ್ ಎಡ್ಡೆ ಪೊರ್ತುಡು 50 ರನ್ ಮಲ್ತೆರ್. ಈ ಮುಕೇನ ವೆಸ್ಟ್ ಇಂಡೀಸ್ ರಡ್ಡನೇ ಇನಿಂಗ್ಸ್ಡ್ 390 ರನ್ ಮಲ್ತ್ದ್ ಆಲೌಟ್ ಆಂಡ್.
ಸುರುತ ಇನಿಂಗ್ಸ್ಡ್ 270 ರನ್ದ ಲೀಡ್ಡ್ ಇತ್ತಿನ ಟೀಮ್ ಇಂಡಿಯಾಗ್ ರಡ್ಡನೇ ಇನಿಂಗ್ಸ್ಡ್ ಗೆಂದೆರ 121 ರನ್ದ ಈಡ್ ಇತ್ತ್ಂಡ್. ರಡ್ಡನೇ ಇನಿಂಗ್ಸ್ ಸುರು ಮಲ್ತಿನ ಭಾರತ ಸುರೂಟೆ ಯಶಸ್ವಿ ಜೈಸ್ವಾಲ್ (8) ನ ವಿಕೆಟ್ ಕಲೆಯೊಂಡು.
ಈ ನಿಲವುಡು ಕೆಎಲ್ ರಾಹುಲ್ ಬೊಕ್ಕ ಸಾಯಿ ಸುದರ್ಶನ್ 79 ರನ್ದ ಪಾರ್ಟ್ನರ್ಶಿಪ್ ಮಲ್ತೆರ್. ಆಂಡ ಟೀಮ್ ಸ್ಕೋರ್ 88 ರನ್ ಆನಗ ಸಾಯಿ ಸುದರ್ಶನ್ (39) ಔಟಾಯೆರ್. ಆರೆನ ಬೆರಿಟೇ ಶುಭ್ಮನ್ ಗಿಲ್ (13) ಲಾ ವಿಕೆಟ್ ಕೊರ್ದು ಪೋಯೆರ್.
ಅವೆರ್ದ್ ಬೊಕ್ಕ ಕೆಎಲ್ ರಾಹುಲ್ (58) ನ ಒಟ್ಟು ಗೋಡಿನ ಧ್ರುವ್ ಜುರೆಲ್ (6) 35.1 ಓವರ್ಡ್ ಭಾರತೊನು 124 ರನ್ದ ಈಡ್ ಕಡಪಾದ್ ಭಾರತ ಕೂಟೊಗು 7 ವಿಕೆಟ್ದ ಗೆಲ್ಮೆ ಕನತೆರ್. ಈ ಗೆಲ್ಮೆದ ಮುಕೇನ ಟೀಮ್ ಇಂಡಿಯಾ ರಡ್ಡ್ ಪಂದ್ಯೊಲೆನ ಸರಣಿನ್ 2-0 ಅಂತರೊಡು ಕ್ಲೀನ್ ಸ್ವೀಪ್ ಮಲ್ದ್ಂಡ್.