Last updated on October 14th, 2025 at 04:47 pm
ಸುಬ್ರಹ್ಮಣ್ಯ, ಅ. 14: ಮಾರಿಷಸ್ ದೇಶೊಗು ಕಲ್ಪೆರ ಪೋದಿತ್ತಿನ ಸುಬ್ರಹ್ಮಣ್ಯದ ಆಣ್ ಒರಿ, ಅಲ್ಪ ತಿರ್ಗೆರೆ ಪೋತಿನಲ್ಪ ಕಾರ್ ಜಾರ್ದ್ ಅರ್ಬಿ(waterfall, ಜಲಪಾತ) ಗ್ ಬೂರ್ದ್ ತೀರ್ದಿನ ನಡಕೆ ನಡತ್ದ್ಂಡ್.
ತೀರ್ದಿನಾರೆನ್ ಸುಬ್ರಹ್ಮಣ್ಯ ಕಲ್ಲಾಜೆ ನಡುಗಲ್ಲ್ದ ಜಯಲಕ್ಷ್ಮೀ ಪನ್ಪಿನಾರೆನ ಮಗೆ ನಂದನ್ ಎಸ್. ಭಟ್ (25) ಪನ್ದ್ ಗುರ್ತ ಪತ್ತ್ದೆರ್. ನಂದನ್ ಮಾರಿಷಸ್ಡ್ ಸ್ಟೂಡೆಂಟ್ ವೀಸಾಡ್ ಹಾಸ್ಪಿಟಾಲಿಟಿ ಬೊಕ್ಕ ಟೂರಿಸಂ ದ ಡಿಪ್ಲೋಮಾ ಮಲ್ತೊಂದಿತ್ತೆರ್.
ವರದಿಲೆನ ಪ್ರಕಾರ, ನಂದನ್ ಇಂಚೆನೆ ಅರ್ಬಿ ತೂವರೆ ಪೋದುಪ್ಪುನಗ ಕಾರ್ ಜಾರ್ದ್ ಬೂರ್ದ್ ತೀರ್ದೆರ್ಗೆ. ಪಾರ್ಥಿವ ಸರ್ರೊನು ಮಾರಿಷಸ್ದ ವಿಕ್ಟೋರಿಯಾ ಆಸ್ಪತ್ರೆಡ್ ದೀತೆರ್.
ಈ ನಡಕೆ ಸೋಮಾರ ನಡತಿತ್ತ್ದ್, ನಂದನ್ನ ಸಮ್ಮಲೆ ಕಾರ್ಕಳದ ಸತ್ಯನಾರಾಯಣ ಭಟ್, ಸಂಸದೆ ಕೋಟ ಶ್ರೀನಿವಾಸ ಪೂಜಾರ್ಲೆಗ್ ಸರ್ರೊನು ಮಾರಿಷಸ್ರ್ದ್ ಭಾರತೊಗು ಕನಯೆರೆ ಸಕಾಯ ಮಲ್ಪೆರ ಬಿನ್ನಪು ಮಲ್ದೆರ್.
ಬಿನ್ನಪುಗು ಪ್ರತಿಕ್ರಿಯೆ ಕೊರ್ತಿನ ಕೋಟದಾರ್ EAM ಡಾ. ಎಸ್. ಜಯಶಂಕರ್ರೆಗ್ ಬೋಡಾಪಿನ ಕ್ರಮ ಗೆತೊನರೆ ಕಾಯೆಸ್ ಮಲ್ದೆರ್. ಮಂಗಳೂರು ಸಂಸದೆ ಕ್ಯಾ. ಚೌಟೆರ್ಲಾ ಸರ್ರೊನು ಭಾರತೊಗು ಕನಯೆರ ಸಕಾಯ ಮಲ್ಪೆರ ಕೇಂದ್ರ ಸರ್ಕಾರೊಗು ಬಿನ್ನೈತ್ದೆರ್.