ಹಜ್ ಯಾತ್ರೆಗ್ ಕುಡ್ಲರ್ದೇ ವಿಮಾನ ಸುರು ಮಲ್ಪೆರ ಕೇಂದ್ರೊಗು ಓಲೆ ಬರೆಯಿನ ಉಸ್ತುವಾರಿ ಸಚಿವೆರ್

Last updated on October 19th, 2025 at 03:12 pm

ಕುಡ್ಲ, ಅ. 19:- ತುಳುನಾಡ್ ಬೊಕ್ಕ ಬರಿತ ಕಡಲ ಕರೆತ ಜಿಲ್ಲೆಲೆನ ಯಾತ್ರಿಕೆರೆಗ್ ಅನುಕೂಲ ಆಪಿಲೆಕ ಹಜ್ ಯಾತ್ರೆಗ್ ಕುಡ್ಲರ್ದೇ ವಿಮಾನ ಸುರು ಮಲ್ಪುಲೆ ಪನ್ಡ್‌ದ್ ಕೇಂದ್ರ ಸರಕಾರೊಗು ಜಿಲ್ಲಾ ಉಸ್ತುವಾರಿ ಸಚಿವೆ ದಿನೇಶ್ ಗುಂಡೂರಾವ್ ಓಲೆ ಬರೆತೆರ್.

ಈ ಬಗೆಟ್ ಕೇಂದ್ರ ಅಲ್ಪಸಂಖ್ಯಾತೆರೆ ವೈವಾಟ್‌ಲೆನ ಸಚಿವೆ ಕಿರಣ್ ರಿಜ್ಜು ಮೆರೆಗ್ ಓಲೆ ಬರೆತಿನ ಉಸ್ತುವಾರಿ ಸಚಿವೆರ್, ಕುಡ್ಲ ಅಂತಾರಾಷ್ಟ್ರೀಯ ವಿಮಾನ ಉಂತಡೆನ್ ಹಜ್ ಎಂಬಾರ್ಕೇಶನ್ ಪಾಯಿಂಟ್ ಆದ್ ಪರಿಗಣಿತ್ಂಡ ಮುಲ್ಪರ್ದೇ ಹಜ್ ಯಾತ್ರೆಗ್ ಡೈರೆಕ್ಟ್ ವಿಮಾನ ಸಂಚಾರ ಸುರು ಆದ್ ಈ ಭಾಗೊದಕ್ಲೆಗ್ ಬಾರಿ ಅನುಕೂಲ ಆಪುಂಡು ಪನ್ದ್ ತೆರಿಪಾದೆರ್. ಮಾಜಿ ಶಾಸಕೆ ಕೆ.ಎಸ್ ಮೊಹಮ್ಮದ್ ಮಸೂದ್ ರೆನ ಬಿನ್ನಪುನು ಆಧರಿತ್‌ದ್ ಉಸ್ತುವಾರಿ ಸಚಿವೆರ್ ಕೇಂದ್ರೊಗು ಓಲೆ ಬರೆತೆರ್.