Last updated on October 19th, 2025 at 06:31 pm
ಅ. 19: RSS ದ ಬಗೆಟ್ ಪಗೆಸಾದ್ಯುನ ಲೆಕ ಪಾತೆರೊಂದುಪ್ಪುನ ಪ್ರಿಯಾಂಕ್ ಖರ್ಗೆ ಪ್ರತಿನಿಧಿಪುನ ಚಿತ್ತಾಪುರ ಕ್ಷೇತ್ರೊಡು ಆರ್ಎಸ್ಎಸ್ ಪಥಸಂಚಲನ ಮಲ್ಪೆರ ಹೈಕೋರ್ಟ್ ಅನು ಕೊರ್ತುಂಡು.
ನವೆಂಬರ್ 2 ತಾನಿ ಪೇಂಟೆಡ್ ಆರ್ಎಸ್ಎಸ್ ಪಥಸಂಚಲನ ಮಲ್ಪೆರ ಅನು ಕೇನ್ದ್ ಅರ್ಜಿ ಸಂದಾದಿತ್ತೆರ್. ಇಂದೆತ ವಿಚಾರಣೆ ಮಲ್ತಿನ ನ್ಯಾಯಂತಡೆ, ಅರ್ಜಿದಾರೆರೆ ಬಿನ್ನಪುನು ಪುರಸ್ಕರಿಪೆರೆ ಸೂಚನೆ ಕೊರ್ತುಂಡು.
ಜಿಲ್ಲಾಧಿಕಾರಿಲೆಗ್ ಅರ್ಜಿ ಕೊರ್ಲೆ ಪನ್ದ್ ಅರ್ಜಿದಾರೆರೆಗ್ ಸೂಚನೆ ಕೊರ್ತಿನ ಹೈಕೋರ್ಟ್, ವಿಚಾರಣೆನ್ ಅಕ್ಟೋಬರ್ 24ಕ್ ದುಂಬು ಪಾಡ್ದ್ಂಡ್. ಸಚಿವೆ ಪ್ರಿಯಾಂಕ್ ಖರ್ಗೆ ಪ್ರತಿನಿಧಿಪುನ ವಿಧಾನಸಭಾ ಕ್ಷೇತ್ರ ಚಿತ್ತಾಪುರಟ್, ಐತಾರ ಮಲ್ಲೆಟ್ ಪಥಸಂಚಲನ ಮಲ್ತ್ದ್ ಶಕ್ತಿ ಪ್ರದರ್ಶನೊಗು ಅಟ್ಟನೆ ಆದಿತ್ತ್ಂಡ್.
ಪೇಂಟೆದ ಮೈನ್ರೋಡ್ಲೆಡ್ ಪಾಡ್ದಿತ್ತಿನ ಭಗವಾಧ್ವಜ, ಬಂಟಿಂಗ್ಸ್, ಬ್ಯಾನರ್ಲೆನ್ ಅಲ್ಪದ ಪುರಸಭೆತ ಸಿಬ್ಬಂದಿಲು ರಾತ್ರೆ ಪಗೆಲಾವೊಡಾಂಡ ಕದೆಲ್ದ್ದೆರ್. ಇಂಚ ದೆತ್ತಿನೆನ್ ಖಂಡಿತ್ದ್ ಚಿತ್ತಾಪುರ ಪುರಸಭೆತ ಮುಖ್ಯಾಧಿಕಾರಿ ಕಚೇರಿದ ಎದುರು ಪೊರ್ಮ್ಬಾಟ ಮಲ್ತಿತ್ತೆರ್.
ಹೈಕೋರ್ಟ್ದ ಈ ಸೂಚನೆ ರಾಜ್ಯ ಸರ್ಕಾರ ಬೊಕ್ಕ ಪ್ರಿಯಾಂಕ್ ಖರ್ಗೆಗ್ ‘ಹಿನ್ನಡೆ’ ಆಪಿಲೆಕ ಮಲ್ದ್ಂಡ್.