Last updated on October 21st, 2025 at 06:42 am
ಪುತ್ತೂರು, ಅ. 20 : ಸರ್ಕಾರ ಆರ್.ಎಸ್.ಎಸ್ ನಿಷೇಧ ಮಲ್ದಿಜಿ. ಶಾಲೆ, ಕಾಲೇಜ್ಡ್ ಸಂಘ ಸಂಸ್ಥೆಲು ಅನುಗೆತೊಂದು ಲೇಸ್, ಇನಯ ಮಲ್ಪೊಡು ಪನ್ದ್ ಪಿದಡ್ಪಾದಿನ ಆದೇಶೊಡು ಆರ್.ಎಸ್.ಎಸ್ ಪನ್ದ್ ಒಲ್ಪಲಾ ಉಲ್ಲೇಖ ಮಲ್ದಿಜಿ ಪನ್ದ್ ಮುಖ್ಯಮಂತ್ರಿ ಸಿದ್ದರಾಮಯ್ಯೆ ತೆರಿಪಾದೆರ್.
ಆರ್ ಕೋಡೆ ಪುತ್ತೂರುಡು ಮಾಧ್ಯಮೊಲೆಡ ಪಾತೆರ್ಯೆರ್. ಆದೇಶೊಡು ಒವ್ವೇ ಸಂಘ ಅತ್ತ್ಂಡ ಸಂಸ್ಥೆ ಪನ್ದ್ ಪನ್ತ್ಂಡ್. ಬಿಜೆಪಿ ಸರ್ಕಾರ ಆದೇಶ ಮಲ್ತಿನೆನೇ ಎಂಕ್ಲ ಕುಡ ಪನ್ತ. ಅಕುಲು ಮಲ್ಪೊಲಿ, ಎಂಕ್ಲು ಮಲ್ಪೆರ ಬಲ್ಲಿಯಾ ಪನ್ದ್ ಪ್ರಶ್ನೆ ಮಲ್ತೆರ್.
2013 ಟ್ ಜಗದೀಶ ಶೆಟ್ಟರ್ ಮುಖ್ಯಮಂತ್ರಿ ಆದುಪ್ಪುನ ಪೊರ್ತುಡು ಸಂಘ ಸಂಸ್ಥೆಗಲು ಶಾಲೆ ಕಾಲೇಜ್ದ ಮದೆಲ್ಡ್ ದಾಲ ಬೇಲೆ, ಇನಯ ಮಲ್ಪುನೆನ್ ನಿಷೇಧ ಮಲ್ತಿತ್ತೆರ್. ಜಗದೀಶ ಶೆಟ್ಟರ್ ಶಿಕ್ಷಣ ಇಲಾಖೆ ಮಲ್ದಿನ ಯಾನತ್ತ್ ಪನ್ದಿತ್ತೆರ್. ಆರ್ ಮುಖ್ಯಮಂತ್ರಿ ಆದುಪ್ಪುನಗ ಆದೇಶ ಕೊರ್ತೆರ್ ಪನ್ದ್ ಪನ್ಡೆರ್.