Last updated on October 23rd, 2025 at 11:27 am
ಒಡಿಪು, ಅ. 23: ಚಿಟ್ಟೆಪಿಲಿ ಒಂಜಿ ಪೋವೊಂದಿತ್ತಿನ ಬೈಕ್ಗ್ ಅಡ್ಡ ಬತ್ತಿನೆರ್ದಾವರ ಬೈಕ್ ಬುಡೊಂದಿತ್ತಿನಾರ್ ಅಂಕೆ ತತ್ತ್ದ್ ಚಿಟ್ಟೆಪಿಲಿಕ್ ಎಡ್ತ್ದ್ ಗಾತಿದ ಗಡಿಕುಲಾತಿನ ನಡಕೆ ಬೆರ್ಮಾವರ ತಾಲೂಕ್ದ ನಾಲ್ಕೂರು ಗ್ರಾಮ ಪಂಚಾಯತ್ ಸೀಮೆದ ನಂಚಾರ್ ಡ್ ನಡತ್ದ್ಂಡ್. ನಡಕೆಡ್ ಚಿಟ್ಟೆಪಿಲಿ ಅಲ್ಪನೇ ತೀರ್ದ್ಂಡ್, ಬೈಕ್ ಬುಡೊಂದಿತ್ತಿನ ನಂಚಾರ್ ಭಾಸ್ಕರ್ ಶೆಟ್ಟಿ ಪನ್ಪಿನಾರೆಗ್ ಗಾತಿದ ಗಡಿಕುಲಾತ.
ಭಾಸ್ಕರ್ ಶೆಟ್ಟಿ ರಾತ್ರೆ ತನ್ನ ಬೈಕ್ಡ್ ಇಲ್ಲಗ್ ಬರೊಂದುಪ್ಪುನಗ ಒರರ್ದ್ ಒರಾನೆ ಚಿಟ್ಟೆಪಿಲಿ ಒಂಜಿ ಅಡ್ಡ ಬತ್ತಿನೆರ್ದಾವರ ಅಂಕೆ ತತ್ತ್ದ್ ಚಿಟ್ಟೆಪಿಲಿಕ್ ಎಡ್ತ್ದ್ ಬೈಕ್ ಕಬ್ಬೆ ಬೂರ್ದ್ಂಡ್. ಎಡ್ತೆದ ಬರಸ್ಗ್ ಚಿಟ್ಟೆಪಿಲಿಕ್ ಗಾತಿದ ಗಡಿಕುಲಾದ್ ಅಲ್ಪನೇ ತೀರ್ದ್ಂಡ್. ಬೈಕ್ ಬುಡೊಂದಿತ್ತಿನಾರೆಗ್ ಗಾತಿದ ಗಡಿಕುಲಾತ. ಆರೆನ್ ಅಪಗನೇ ಅಲ್ಪದಕುಲು ಆಸ್ಪತ್ರೆಗ್ ಲೆತೊಂದು ಪೋತೆರ್. ಹೆಬ್ರಿ ಅರಣ್ಯ ಇಲಾಖೆದಕುಲು ಜಾಗೆಗ್ ಬತ್ತ್ದ್ ಚಿಟ್ಟೆಪಿಲಿತ ಪುನೊತ ಪರಿಶೀಲನೆ ಮಲ್ದೆರ್. ಶಂಕರನಾರಾಯಣ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.