Last updated on October 28th, 2025 at 04:21 pm
ಕುಡ್ಲ, ಅ. 28 : ಮೀನ್ ಕೊನೊಪುನ ಪಿಕಪ್ ಗಾಡಿ ಒಂಜಿ ಡ್ರೈವರ್ನ ಅಂಕೆ ತತ್ತ್ದ್ ಸ್ಕಿಡ್ ಆದ್, ಕಬ್ಬೆ ಬೂರಿನೆರ್ದಾವರ ಗಾಡಿಡಿತ್ತಿನ ಮೂವೆರೆಗ್ ಗಡಿಕುಲಾತಿನ ನಡಕೆ ಜಪ್ಪುದಮೊಗೇರ್ ನೇತ್ರಾವತಿ ಸಂಕೊಡು ಇನಿ ಅ. 28ತ ಕಾಂಡೆ ನಡತ್ದ್ಂಡ್.
ಡ್ರೈವರ್ ರತೀಶ್ (38), ಗಾಡಿಡಿತ್ತಿನ ಶೈಲಜಾ (57) ಬೊಕ್ಕ ಶಾರದಾ(60) ಮೊಕಲೆಗ್ ಗಡಿಕುಲಾತ ಪನ್ದ್ ತೆರಿದ್ ಬೈದ್ಂಡ್. ಪೆಟ್ಟಾತಿನಕಲೆನ್ ಪೇಂಟೆದ ಪ್ರೈವೇಟ್ ಆಸ್ಪತ್ರೆಗ್ ದಾಕಲ್ತ್ದೆರ್.
ಕಾಂಡೆ 6 ಗಂಟೆದ ಅಂದಾಜಿಗ್ ಮೀನ್ ಕೊನೊಪುನ ಪಿಕಪ್ ಕುಡ್ಲರ್ದ್ ತಲಪಾಡಿ ದಂಚಿ ಪೋವೊಂದಿತ್ತ್ಂಡ್. ಈ ಪೊರ್ತುಡು ಡ್ರೈವರ್ನ ಗೋಸ್ಮರಿರರ್ದಾವರ ಪಿಕಪ್ ಸ್ಕಿಡ್ ಆದ್ ಕಬ್ಬೆ ಬೂರ್ದ್ಂಡ್ ಪನ್ದ್ ಪನೊಂದುಲ್ಲೆರ್.