Last updated on October 29th, 2025 at 07:37 am
ಒಡಿಪು, ಅ. 29: ಉರ್ಲುಗು ಬೂರ್ದಿನ ಚಿಟ್ಟೆಪಿಲಿನ್ ಅರಣ್ಯ ಅಧಿಕಾರಿಲು ಉರ್ಲುರ್ದ್ ಬುಡ್ಪಾದ್, ಪತ್ತ್ದಿನ ನಡಕೆ ಹೆಬ್ರಿ ಮುಟ್ಟದ ಮುದ್ರಾಡಿ ಡ್ ನಡತ್ದ್ಂಡ್.
ಹೆಬ್ರಿಗ್ ಮುಟ್ಟದ ಮುದ್ರಾಡಿದ ಕಾಡ್ ಜಾಗೆಡ್ ಪಂಜಿಗ್ ದೀತಿನ ಕಂಬಿದ ಉರ್ಲುಗು ಚಿಟ್ಟೆಪಿಲಿ ಬೂರ್ದ್ಂಡ್. ಉರ್ಲು ಸುಂದುದಿನ ಗೂಟದೊಟ್ಟುಗು ಪುಡೆರೊಂದುಪ್ಪುನ ಚಿಟ್ಟೆಪಿಲಿನ್ ಅಲ್ಪದಕುಲು ತೂತೆರ್. ಗಡಿಕುಲಾತಿನ ಚಿಟ್ಟೆಪಿಲಿ ಬಾರೀ ಗರ್ವೊಡು ಇತ್ತಿನೆರ್ದಾವರ ಏರ್ಲಾ ಮುಟ್ಟ ಪೋತುಜೆರ್. ಅರಣ್ಯ ಅಧಿಕಾರಿಲೆಗ್ ಒಲವು ತಿಕ್ಕೀನೇ , ಬತ್ತ್ದ್ ಮತಿ ತಪ್ಪಾದ್ ಚಿಟ್ಟೆಪಿಲಿನ್ ಬುಡ್ಪಾದೆರ್
ಪಶು ವೈದ್ಯೆರಾಯಿನ ಡಾಕ್ಟರ್ ಮೇಘನಾ, ಡಾಕ್ಟರ್ ಯಶಸ್ವಿನಿ ಬೊಕ್ಕ ಉಚ್ಚು ಟ್ರಸ್ಟ್ ದ ಅಕ್ಷಯ್ ಶೇಟ್ ಈ ಕಾರ್ಯಾಚರಣೆಡ್ ಸಕಾಯ ಮಲ್ತೆರ್. ಈ ಚಿಟ್ಟೆಪಿಲಿನ್ ಸುರಕ್ಷಿತವಾದ್ ಕಾಡ್ಗ್ ಬುಡ್ತೆರ್.