Last updated on November 3rd, 2025 at 07:18 am
ನ. 03: 2025 ತ ಮಹಿಳಾ ವಿಶ್ವಕಪ್ ಫೈನಲ್ (Women’s ODI World Cup Final 2025) ಗೊಬ್ಬುಡು ಭಾರತ, ದಕ್ಷಿಣ ಆಫ್ರಿಕಾ (India vs South Africa) ಕೂಟೊನು ಸೋಪಾದ್ ಕಡೀರ ಸರ್ತಿ ಏಕದಿನ ವಿಶ್ವಕಪ್ ಗೆಂದ್ದ್ಂಡ್. ನವಿ ಮುಂಬೈದ ಡಿವೈ ಪಾಟೀಲ್ ಕ್ರೀಡಾಂಗಣೊಡು ನಡತಿನ ಈ ಗೊಬ್ಬುಡು ಟಾಸ್ ಸೋತ್ದ್ ಸುರುಕು ಬ್ಯಾಟಿಂಗ್ಗ್ ಜತ್ತಿನ ಭಾರತ 50 ಓವರ್ಡ್ 7 ವಿಕೆಟ್ ಕಲೆಯೊಂದು 288 ರನ್ ಒಟ್ಟು ಮಲ್ತ್ಂಡ್. ಈ ಈಡ್ನ್ ಬೆರಿಪತ್ತೆರ ಜತ್ತಿನ ದಕ್ಷಿಣ ಆಫ್ರಿಕಾ ಕೂಟ 45.3 ಓವರ್ಡ್ ತನ್ನ ಮಾತಾ ವಿಕೆಟ್ ಕಲೆಯೊಂದು 246 ರನ್ ಮಾತ್ರ ಮಲ್ತ್ದ್, 52 ರನ್ಡ್ ಸೋತ್ಂಡ್. ಈ ಮುಕೇನ ಭಾರತ ಕೂಟ ತನ್ನ ಮೂಜನೇ ಬಾರಿಗೆ ವಿಶ್ವಕಪ್ ಫೈನಲ್ಡ್ ಕಡೀರ ಟ್ರೋಫಿ ಆಕ್ದ್ಂಡ್.
ಪಗತೆ ಗೊಬ್ಬುಗಾರ್ತಿಯಾದ್ ವಿಶ್ವಕಪ್ಗ್ ಎಂಟ್ರಿಕೊರ್ದಿತ್ತಿನ ಶಿಫಾಲಿ ವರ್ಮಾ ಸುರುಕು ಬ್ಯಾಟಿಂಗ್ಡ್ 87 ರನ್ ಮಲ್ತೆರ್ನ್ಡ, ಬೌಲಿಂಗ್ಡ್ಲಾ 2 ಮಲ್ಲ ವಿಕೆಟ್ ಗೆತೊಂದೆರ್. ದೀಪ್ತ ಶರ್ಮಾ, ಬ್ಯಾಟಿಂಗ್ಡಾ 58 ರನ್ ಮಲ್ತ್ದ್, ಬೌಲಿಂಗ್ಡ್ ಐನ್ ವಿಕೆಟ್ ಗೆತೊಂದು, ಒಂಜಿ ರನೌಟ್ ಲಾ ಮಲ್ತ್ದ್, ತಾನೊರ್ತಿ ಎಡ್ಡೇನ ಆಲ್ರೌಂಡರ್ ಪನ್ದ್ ಕುಡೋರ ತೂಪಾದ್ ಕೊರ್ತೆರ್.