Last updated on November 3rd, 2025 at 03:49 pm
ಮಲ್ಪೆ, ನ. 3: ಒಡಿಪು ಜಿಲ್ಲೆದ ಮಲ್ಪೆ ಪೊಲೀಸ್ ಸ್ಟೇಶನ್ಡ್ ಸಹಾಯಕ ಉಪನಿರೀಕ್ಷಕೆರಾದ್ (ಎಎಸ್ಐ) ಬೇಲೆ ಮಲ್ತೊಂದಿತ್ತಿನ ವಿಶ್ವನಾಥ್ (58) ಮೇರ್ ಸನಿಯಾರ ರಾತ್ರೆ ಹಾರ್ಟ್ ಅಟ್ಯಾಕ್ ಆದ್ ತೀರ್ದೆರ್.
ನವೆಂಬರ್ 1 ತಾನಿ ಮಲ್ಪೆ ಪೊಲೀಸ್ ಸ್ಟೇಶನ್ದ ಸಿಬ್ಬಂದಿಲೆಗ್ ಅಟ್ಟನೆ ಆದಿತ್ತಿನ ಸೆಂಡಾಫ್ ಲೇಸ್ಡ್ ವಿಶ್ವನಾಥ್ ಮೇರ್ ಪದ ಪನೊಂದಿತ್ತಿಲೆಕನೆ ಕುಸ್ಕುದ್ ಬೂರ್ದೆರ್. ಅಪಗನೇ ಆರೆನ್ ಆಸ್ಪತ್ರೆಗ್ ಲೆತೊಂದು ಪೋತೆರ್. ಆಂಡ, ಬೈದ್ಯೆರ್ ಪರೀಕ್ಷೆ ಮಲ್ಪುನಗ ವಿಶ್ವನಾಥ್ ಮೇರ್ ಹಾರ್ಟ್ ಅಟ್ಯಾಕ್ ಆದ್ ತೀರ್ದೆರ್ ಪನ್ದ್ ದೃಢ ಮಲ್ದೆರ್.
ಒಡಿಪು ಜಿಲ್ಲೆದ ಬೇತೆ ಬೇತೆ ಪೊಲೀಸ್ ಸ್ಟೇಶನ್ಲೆಡ್ ಸೇವೆ ಮಲ್ದಿನ ವಿಶ್ವನಾಥ್ ಮೇರ್ ತನ್ನ ಕರ್ತವ್ಯದ ಪೊರ್ತುಡು ಜನಸಾಮಾನ್ಯೆರೆಗ್ ಮುಟ್ಟ ಆದ್, ಎಡ್ಡೆ ಬಾಂಧವ್ಯ ಇತ್ತಿನಾರಾದಿತ್ತೆರ್. ಆರೆನ ಅಗಪುಗ ಪೊಲೀಸ್ ಇಲಾಖೆ ಬೊಕ್ಕ ಸಾರ್ವಜನಿಕ ವಲಯೊಡು ಬಾರೀ ಸಂತಾಪ ತೋಜಿದ್ ಬೈದ್ಂಡ್.