Last updated on November 8th, 2025 at 10:43 am
ಬಾರೀ ಪುಗಾರ್ತೆದ ಯಕ್ಷಗಾನ ಕವಿ, ಪಾರ್ತಿಸುಬ್ಬ ಪ್ರಶಸ್ತಿ ಪುರಸ್ಕೃತ ಗಣೇಶ್ ಕೊಲಕಾಡಿ(54) ಮೇರ್ ನವೆಂಬರ್ 7ದಾನಿ ಬಯ್ಯಡ್ ಅರೆನ ಇಲ್ಲಡ್ ತೀರಿಯೆರ್.
ಮೇರ್ 50ರ್ದ್ಲಾ ಎಚ್ಚಿಗೆ ಪ್ರಸಂಗಲೆನ್ ಬರೆತೆರ್. ಯಕ್ಷಗಾನ ಛಂದಸ್ಸುಲೆನ ಬಗೆಟ್ ಮಸ್ತ್ ವಿದ್ವತ್ ಇತ್ತಿನಾರ್. ಪಾಕ ವರ್ಸೊರ್ದು ಉಸಾರ್ ತತ್ತ್ ಇತ್ತಿನ ಮೇರ್, ಪಾಕ ಸಲ ಆಸ್ಪತ್ರೆಗ್ ಅಡ್ಮಿಟ್ ಆದ್ ಮರ್ದ್ ಮಲ್ತೊಂದತ್ತೆರ್. ಇಲಾಲಡೇ ಧರ್ಮಾರ್ಥೊಡು ಯಕ್ಷಗಾನ ತರಗತಿಲೆನ್ ಮಲ್ತೊಂದಿತ್ತೆರ್. ಮೆರೆಗ್ ಮದಿಮೆ ಆತಿಜಿ, ಅಪ್ಪೆ ಉಲ್ಲೆರ್.
ಗಣೇಶ್ ಕೊಲಕಾಡಿ ತೀರಿನೆರ್ದ್ ಯಕ್ಷಗಾನ ಸಾರಸ್ವತ ಲೋಕೊಗು ಬಾರೀ ನಷ್ಟ ಆತ್ಂಡ್. ಅರೆನ್ ಬುಡ್ಡ್ ಬದುಕುನ ಶಕ್ತಿನ್ ಕುಟುಮಕಲೆಗ್ ದೇವೆರ್ ಕೊರಡ್ ಪನ್ದ್ ಕರ್ನಾಟಕ ಯಕ್ಷಗಾನ ಅಕಾಡೆಮಿದ ಗುರ್ಕಾರೆ ಡಾ.ತಲ್ಲೂರು ಶಿವರಾಮ ಶೆಟ್ಟಿ ಅಂಚೆನೆ ಸರ್ವ ಸದಸ್ಯೆರ್ ಪ್ರಕಟನೆಡ್ ತೆರಿಪಾದೆರ್.