ಕುಡ್ಲ ಧರ್ಮಪ್ರಾಂತ್ಯೊದ ಪೆರಿಯ ಧರ್ಮಗುರು ಫಾ. ಡೆನಿಸ್ ಡಿಸೋಜ ತೀರ್ಯೆರ್

Last updated on November 16th, 2025 at 10:23 am

ಕುಡ್ಲ, ನ. 16: ಜೆಪ್ಪುದ ಸಂತ ಜುಜೆ ವಾಜ್ ಹೋಂನ ಫಾ. ಡೆನಿಸ್ ಡಿಸೋಜ (91) ಮೇರ್ ನವೆಂಬರ್ 16 ತಾನಿ ತೀರ್ಯೆರ್. ಕುಡ್ಲ ಧರ್ಮಪ್ರಾಂತ್ಯೊದ ಧರ್ಮಗುರುಕುಲಾಯಿನ ಫಾ. ಡೆನಿಸ್ ಮರ್ ಆಜಿ ದಶಕೊರ್ದು ಎಚ್ಚ ಕಾಲ ಇಗರ್ಜಿದ ಚಾಕಿರಿ ಮಲ್ದಿನಾರ್.

ಮೇರ್ 1935ತ ಫೆಬ್ರವರಿ 15ತಾನಿ ತೊಡಂಬಿಲಡ್ (ಮೊಡಂಕಾಪು) ಪಾಲ್ ಡಿಸೋಜಾ ಬೊಕ್ಕ ಮೇರಿ ಮ್ಯಾಗ್ಡಲೆನ್ ನೊರೊನ್ಹಾ ದಂಪತಿಲೆನ ಮಗೆ ಆದ್ ಪುಟ್ಟಿನಾರ್. 1961ತ ಡಿಸೆಂಬರ್ 4 ತಾನಿ ಧರ್ಮಗುರುಕುಲೆನ ದೀಕ್ಷೆ ಗೆತೊಂದೆರ್.

ಫಾ. ಡೆನಿಸ್ ಮೇರ್ ಶಿರ್ವಡ್ ಸಕಾಯಕ ಧರ್ಮಗುರುಕುಲಾದ್ ತನ್ನ ಸೇವೆ ಸುರು ಮಲ್ತಿತ್ತೆರ್. ಬೊಕ್ಕ ಪಂಬೂರು, ಬೊಂದೆಲ್, ನಿಡ್ಡೋಡಿ, ಮುಕಾಮಾರ್, ಕ್ಯಾಸಿಯಾ, ತೊರ್ತಲ್ ಬೊಕ್ಕ ಸಂಪಾಯಿ ಡ್ ಧರ್ಮಗುರುಕುಲಾದ್ ಸೇವೆ ಮಲ್ದೆರ್. 2010 ಟ್ ನಿವೃತ್ತಿರ್ದ್ ಬೊಕ್ಕ, ಆರ್ ಬಿಷಪ್ಸ್ ಹೌಸ್‌ಡ್, ಅವೆರ್ದ್ ಬೊಕ್ಕ ಜೆಪ್ಪುದ ಸಂತ ಜುಜೆ ವಾಜ್ ಹೋಂ ಡ್ ಇತ್ತೆರ್.

ಫಾ. ಡೆನಿಸ್ ಮೆರೆನ ಅಂತ್ಯಕ್ರಿಯೆ ನವೆಂಬರ್ 17ತಾನಿ ಕಾಂಡೆ 10 ಗಂಟೆಗ್ ವ್ಯಾಲೆನ್ಸಿಯಾದ ಸೇಂಟ್ ವಿನ್ಸೆಂಟ್ ಫೆರರ್ ಚರ್ಚ್‌ಡ್ ನಡಪರೆಗುಡು.