Last updated on November 22nd, 2025 at 09:06 am
ಪುತ್ತೂರು, ನ. 22: ಬೆಂಗಳೂರುರ್ದ್ ಊರ್ಗ್ ಬತ್ತಿತ್ತಿನ ಜವನೆ ಒರಿ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತೊಂದಿನ ನಡಕೆ ಪುತ್ತೂರು ತಾಲೂಕ್ದ ಪುರ್ಸೆರೆಕಟ್ಟೆದ ಇಂದಿರಾನಗರ ಡ್ ಕೋಡೆ ನವೆಂಬರ್ 21ತಾನಿ ನಡತ್ದ್ಂಡ್.
ತೀರ್ದಿನಾರೆನ್ ಪುರ್ಸೆರೆಕಟ್ಟೆ ಇಂದಿರಾನಗರ ನಿವಾಸಿ ಕರಿದ್ ಪೋತಿನ ಪ್ರವೀಣ್ ಜೋಗಿ ಪನ್ಪಿನಾರೆನ ಮಗೆ ಪ್ರತೀಕ್ (23) ಪನ್ದ್ ಗುರ್ತ ಪತ್ತ್ದೆರ್.
ಬೆಂಗಳೂರುದ ಶೋರೂಮ್ ವರ್ಕ್ಶಾಪ್ ಒಂಜೆಟ್ ಬೇಲೆ ಮಲ್ತೊಂದಿತ್ತಿನ ಪ್ರತೀಕ್, ಇಂಚಿಪ ಆತೇ ಊರ್ಗ್ ಬತ್ತಿತ್ತೆರ್. ಮಧ್ಯಾಹ್ನ ಇಲ್ಲಡ್ ಮೊಬೈಲ್ ತೂವೊಂದು ಕುಲ್ಲುದಿತ್ತಿನ ಆರ್ ಒರರ್ದ್ ಒರಾನೆ ನಾಪತ್ತೆ ಆದಿತ್ತೆರ್. ಡೌಟ್ ಬತ್ತ್ದ್ ನಾಡ್ನಗ, ಪ್ರತೀಕ್ ಇಲ್ಲದ ಅದೆಟ್ ಫ್ಯಾನ್ಗ್ ಬಲ್ಲ್ ಪಾಡೊಂದಿನ ಸ್ಥಿತಿಟ್ ತಿಕ್ಕ್ದೆರ್.
ಪ್ರತೀಕ್ನ ಅಮ್ಮೆರ್ ಪ್ರವೀಣ್ ಜೋಗಿ ಬೊಕ್ಕ ಅಪ್ಪೆ ಕಾವ್ಯಲಾ ದುಂಬು ಇಂಚೆನೇ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತೊಂದೆರ್ ಪನ್ದ್ ಮುಟ್ಟದಕುಲು ತೆರಿಪಾದೆರ್. ಇತ್ತೆ ಮಗೆಲಾ ಅಪ್ಪೆಅಮ್ಮನ ಸಾದಿಡೇ ಜೂವ ಗೆತೊಂದಿತ್ತ್ದ್ ಇಲ್ಲದಕ್ಲೆಗ್ ಆಘಾತ ಉಂಡು ಮಲ್ದ್ಂಡ್.
ಪ್ರತೀಕ್ ಪಲಿ ಬೊಕ್ಕ ಸಿದ್ಯಮ್ಮೆರೆನ್ ಅಗತ್ದೆರ್. ಆರೆನ ಸಿದ್ಯಮ್ಮೆರ್ ಬರೆಪಾದಿನ ಒಯಿಲ್ದ ಆಧಾರೊಡು ಪ್ರಕರಣ ದಾಕಲ್ತೊಂದು ಪೋಲೇಸೆರ್ ಜಡ್ತೆ ಮಲ್ತೊಂದುಲ್ಲೆರ್.