Last updated on November 22nd, 2025 at 10:07 am
ಬೊಲ್ತೇರ್,ನ. 22: ವೇಣೂರು ಪೊಲೀಸ್ ಸ್ಟೇಶನ್ ಸೀಮೆದ ಪಾನೂರು ಶ್ರೀ ಗುರು ನಾರಾಯಣ ಸರ್ಕಲ್ ದ ಕೈತಲ್ ಉಂತಾದಿತ್ತಿನ ಬೈಕ್ನ್ ಕನ್ಡಿನ ಪ್ರಕರಣೊಡು ಇರ್ವೆರೆನ್ ಪೋಲೀಸೆರ್ ಕೈದ್ ಮಲ್ತ್ದೆರ್.
ವೇಣೂರು ಪೊಲೀಸೆರೆ ಪ್ರಕಾರ, ನವೆಂಬರ್ 10 ತ ರಾತ್ರೆ KA 18 J 6348 ರೆಜಿಸ್ಟ್ರೇಷನ್ದ ಬೈಕ್ ಕನ್ಡಿನ ಪ್ರಕರಣೊಗು ಸಂಬಂಧಿತ್ದ್ ಅಪರಾಧ ಸಂಖ್ಯೆ 88/2025 ಬೊಕ್ಕ BNS 2023 ತ ಸೆಕ್ಷನ್ 303 (2) ತ ಅಡಿಟ್ ಪ್ರಕರಣ ದಾಕಲಾತ್ಂಡ್. ಈ ಬೈಕ್ ಬೊಲ್ತೇರ್ದ ಕುಕ್ಕೇಡಿ ನಿವಾಸಿ ಸಂಪತ್ ಕುಮಾರ್ (28) ಪನ್ಪಿನಾರೆಗ್ ಸೇರ್ದಿನವು.
ಜಡ್ತೆದ ಪೊರ್ತುಡು, ಪೊಲೀಸೆರ್ ವೇಣೂರ್ದ ಮುಹಮ್ಮದ್ ಇರ್ಷಾದ್ (25) ಬೊಕ್ಕ ಪಡಂಗಡಿದ ಸಾದಿಕ್ ಖಾನ್ (26) ಪನ್ಪಿ ಇರ್ವೆರ್ ಆರೋಪಿಲೆನ್ ಕೈದ್ ಮಲ್ತ್ದೆರ್. ಕನ್ಡಿನ ಬೈಕ್ನ್ ಅಕ್ಲೆನ ಕೈರ್ದ್ ವಶೊಕು ಗೆತೊಂದೆರ್. ಆರೋಪಿಲೆನ್ ನ್ಯಾಯಂತಡೆದ ಎದುರು ಲೆತೊಂದು ಪೋದಿತ್ತ್ದ್, ನ್ಯಾಯಂತಡೆ ಅಕಲೆನ್ ನ್ಯಾಯಾಂಗ ಕೈದ್ಗ್ ಒಪ್ಯಾದ್ಂಡ್.
ಡಿವೈಎಸ್ಪಿ ರೋಹಿಣಿ ಸಿಕೆ ನಿರ್ದೇಶನೊಡು, ವೃತ್ತ ನಿರೀಕ್ಷಕೆ ಬಿ.ಜಿ.ಸುಬ್ಬಾಪುರ ಮಠ ಮೆರೆನ ಮಾರ್ಗದರ್ಶನೊಡು ಈ ಕಾರ್ಯಾಚರಣೆ ನಡತ್ಂಡ್. ವೇಣೂರು ಪೊಲೀಸ್ ಕೂಟೊಡು ಸಬ್-ಇನ್ಸ್ಪೆಕ್ಟರ್ ಅಕ್ಷಯ್ ಡವಗಿ, ಎಎಸ್ಐ ವೆಂಕಟೇಶ್ ನಾಯಕ್, ಎಚ್ಸಿ 405 ಕೃಷ್ಣ, ಎಂಎಚ್ಸಿ 913 ಕೇಶವತಿ, ಪಿಸಿ 2466 ಬಸವರಾಜ್ ಬೊಕ್ಕ ಪಿಸಿ 434 ಮೋಹನ್ ಇತ್ತೆರ್.