Last updated on November 29th, 2025 at 07:13 pm
ಪುತ್ತೂರು, ನ. 29: ಪೇಂಟೆದ ದರ್ಬೆದ ಕ್ಲಿನಿಕ್ ಗ್ ಪೊಗ್ಗುದ್ ಸಿಬ್ಬಂದಿನ ಮಿತ್ತ್ ಹಲ್ಲೆ ಮಲ್ದಿನ ನಡಕೆ ನಡತ್ದ್ಂಡ್.
ಪುತ್ತೂರ್ದ ದರ್ಬೆ ಪನ್ಪಿನಲ್ಪ ಈ ನಡಕೆ ನಡತಿತ್ತ್ದ್ , ಡಾ.ರಾಮ್ಮೋಹನ್ ಪನ್ಪಿನಾರೆಗ್ ಸೇರ್ದಿನ ಕ್ಲಿನಿಕ್ ಪನ್ದ್ ತೆರಿದ್ ಬೈದ್ಂಡ್. ದಿನ ಇಡೀ ಉಸಾರ್ದಾಂತಿನಕುಲು ದಿಂಜಿದುಪ್ಪುನ ಈ ಕ್ಲಿನಿಕ್ ಡ್ 6 ಗಂಟೆರ್ದೇ ಟೋಕನ್ ಕೊರ್ಪುನ ವ್ಯವಸ್ಥೆ ಉಂಡು.
ಕ್ಲಿನಿಕ್ದ ಎದುರು ಸಾದಿದ ಪಾರ್ಕಿಂಗ್ ಫೀಸ್ ಗೆತೊನುನ ಇಬ್ರಾಹಿಂ ಪನ್ಪಿನ ಆಂಜೊವು, ತನ್ನ ಗುರ್ತದಕ್ಲೆಗ್ ಬೇಗ ಪೋಪುನ ಟೋಕನ್ ಕೊರಂದಿನೆಕ್ ಹಲ್ಲೆ ಮಲ್ತ್ದೆ ಪನ್ದ್ ವರದಿ ಆತ್ಂಡ್.
ಕ್ಲಿನಿಕ್ ಸಿಬ್ಬಂದಿ ಶ್ರೀಕಾಂತ್ ಪನ್ಪಿನಾರೆಗ್ ಆಕ್ದ್, ಕ್ಲಿನಿಕ್ ದ ಪೀಠೋಪಕರಣಲೆನ್ ಪೊಡಿ ಮಲ್ತ್ದೆಗೆ, ಜಾಗೆಗ್ ಹಿಂದೂ ಮುಖಂಡೆ ಅರುಣ್ ಕುಮಾರ್ ಪುತ್ತಿಲ ಭೇಟಿ ಕೊರ್ತೆರ್. ಈ ಬಗೆಟ್ ಪುತ್ತೂರು ನಗರ ಪೋಲೀಸ್ ಸ್ಟೇಷನ್ಡ್ ಒಯಿಲ್ ದಾಕಲಾತ್ಂಡ್.