Last updated on November 29th, 2025 at 06:40 pm
ಸುಬ್ರಮಣ್ಯ, ನ. 29: ಅಪ್ರಾಪ್ತ ಆಣಗ್ ಜೋರು ಮಲ್ತ್ದ್ ಕೋಲುಡು ಆಕಿನ ಆಂಜೊವು ಒರಿಯನ ಮಿತ್ತ್ ಸುಬ್ರಮಣ್ಯ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.
ಒಯಿಲ್ ಬರೆಪಾದಿನ ಪೊಂಜೊವುನ ಅಪ್ರಾಪ್ತ ಪ್ರಾಯೊದ ಮಗೆ, ಮುಟ್ಟದ ಶಾಲೆ ಒಂಜೆಟ್ ಕಲ್ತೊಂದುಲ್ಲೆ. ನ. 24ತಾನಿ ಆರೋಪಿ ಚೇತನ್ ಪನ್ಪಿನಾಯೆ ಆಣಗ್ ಜೋರು ಮಲ್ತ್ದ್ ಕೋಲುಡ್ ಆಕೊಂದುಪ್ಪುನ ವಿಡಿಯೋ ಮೊಬೈಲ್ಡ್ ಶೇರ್ ಆವೊಂದುಪ್ಪುನ ಆಣನ ಅಪ್ಪೆನ ಗುಮನೊಗು ಬೈದ್ಂಡ್.
ಅಂಚಾದ್ ಆಣನ ಅಪ್ಪೆ ಆರೋಪಿ ಚೇತನ್ ನ ಮಿತ್ತ್ ಸುಬ್ರಮಣ್ಯ ಪೊಲೀಸ್ ಸ್ಟೇಶನ್ಡ್ ಒಯಿಲ್ ಬರೆಪಾದೆರ್. ಒಯಿಲ್ದ ಆಧಾರೊಡು ಸುಬ್ರಮಣ್ಯ ಪೊಲೀಸ್ ಸ್ಟೇಶನ್ಡ್ ಅ.ಕ್ರ ನಂಬ್ರ:60/2025, ಕಲಂ:118(1)BNS-2023 ದ ಪ್ರಕಾರ ಪ್ರಕರಣ ದಾಕಲಾದಿತ್ತ್ದ್, ಜಡ್ತೆ ಮಲ್ತೊಂದುಲ್ಲೆರ್.