Last updated on November 30th, 2025 at 08:28 pm
ರಾಮಕುಂಜ, ನ. 30: ಕಡಬ ತಾಲೂಕ್ದ ರಾಮಕುಂಜ ಶ್ರೀ ರಾಮಕುಂಜೇಶ್ವರ ದೇಲಂತಡೆ ಡ್ ಉಂದೇ ಡಿಸೆಂಬರ್ 1 ಸೋಮಾರ ರ್ದ್ ಡಿಸೆಂಬರ್ 3 ಬುದಾರ ಮುಟ್ಟ ಅಷ್ಟಮಂಗಲ ಪ್ರಶ್ನೆ ನಡಪರೆಗುಂಡು.
ಶ್ರೀ ಕ್ಷೇತ್ರೊಡು ಡಿ. 1 ರ್ದ್ 3 ಮುಟ್ಟ ಶ್ರೀ ಕ್ಷೇತ್ರೊದ ತಂತ್ರಿಲಾಯಿನ ಬ್ರಹ್ಮಶ್ರೀ ಕೆಮ್ಮಿಂಜೆ ನಾಗೇಶ ತಂತ್ರಿಲೆನ ಮಾರ್ಗದರ್ಶನೊಡು ಒಡಿಪುದ ದೈವಜ್ಞೆರ್ ಗೋಪಾಲಕೃಷ್ಣ ಜೋಯಿಸೆರೆ ಮುತಾಲಿಕೆಡ್ ಅಷ್ಟಮಂಗಲ ಪ್ರಶ್ನೆ ನಡಪರೆಗುಂಡು.
ಹರಿರೆರೆನ ಸಾನಿಧ್ಯ ಇಪ್ಪುನ ಶ್ರೀ ದೇಲಂತಡೆ ಜೀರ್ಣಾವಸ್ಥೆಡ್ ಇತ್ತ್ದ್, ಜೀರ್ಣೋದ್ಧಾರ ಮಲ್ಪುನ ದಿಟ್ಟಿಡ್ ಅಷ್ಟಮಂಗಲ ಪ್ರಶ್ನೆ ನಡಪರೆಗುಂಡು. ಇತ್ತೆ ತೌಳವ ಶೈಲಿದ ಗಜಪೃಷ್ಠಾಯೊಡು ಇಪ್ಪುನ ದೇಲಂತಡೆದ ಮಣ್ಣ್ದ ಸುತ್ತುಮದೆಲ್ ಸುಮಾರ್ 2 ರ್ದ್ 3 ಫೀಟ್ ಅಗೆಲ ಇತ್ತ್ದ್ ಏಪ ಕಟ್ಟ್ದೆರ್ ಪನ್ದ್ ಸಾದಾರ್ನೊಡು ಏರೆಗ್ಲಾ ತೆರಿಯಂದ್. ಬೇತೆ ಶಿವ ದೇಲಂತಡೆಲೆಕ ನಂದಿ ಪೂರ್ಣರೂಪೊಡು ಇಜ್ಜಂದೆ ನಂದಿ ಪಾದರೂಪೊಡು ಮುಲ್ಪ ನಿಲೆ ಆತೆರ್ ಪನ್ದ್ ಕತೆ ಉಂಡು. ಮುಲ್ಪದ ನಂದಿ ಮೂಜಿ ಪಾಲ್ಡ್ ಇತ್ತ್ದ್ ಒರಿನ ರಡ್ಡ್ ಪಾಲ್ ಶಿಶಿಲದ ಶಿಶಿಲೇಶ್ವರ ಬೊಕ್ಕ ಕೊಕ್ಕಡದ ವೈದ್ಯನಾಥೇಶ್ವರ ದೇಲಂತಡೆಡ್ ಉಂಡು ಪನ್ದ್ ಪ್ರತೀತಿ.