Last updated on December 3rd, 2025 at 08:55 am
ಕಾರ್ಲ, ಡಿ. 03: ಕಾರ್ಲ ರ್ದ್ ಹೆಬ್ರಿ ದಂಚಿ ಪೋವೊಂದಿತ್ತಿನ ಕಾರ್ ಅಂಕೆ ತತ್ತ್ದ್ ಕರೆಂಟ್ ಕುಂದೊಗು ಎಡ್ತ್ದ್ ಮೂವೆರೆಗ್ ಗಡಿಕುಲಾತಿನ ನಡಕೆ ಕೋಡೆ ಬಯ್ಯಾನಗ ನಡತ್ದ್ಂಡ್.
ಕಾರ್ಲದ ಪಂಚಾಯತ್ ರಾಜ್ ವಿಭಾಗೊದ ಇಂಜಿನಿಯರ್ ಸದಾನಂದ ನಾಯ್ಕ್ ಬೊಕ್ಕ ಆರೆನ ಬೊಡೆದಿ, ಬಾಲೆ ಗಡಿಕುಲಾತಿನಕುಲು ಪನ್ದ್ ತೆರಿದ್ ಬೈದ್ಂಡ್. ಹಿರ್ಗಾನ ಗ್ರಾಮೊದ ಮೂರೂರು ಕೈತಲ್ ಸದಾನಂದ ನಾಯ್ಕ್ ಮೇರ್ ತನ್ನ ಕಾರ್ಡ್ ಬೊಡೆದಿ ಬೊಕ್ಕ ಬಾಲೆದ ಒಟ್ಟುಗು ತನ್ನ ಇಲ್ಲ್ ಬ್ರಹ್ಮಾವರದ ಚಾಂತಾರ್ಗ್ ಪಿದಡ್ದಿತ್ತೆರ್.
ಕಾರ್ಲ ಹೆಬ್ರಿ ರಾಜ್ಯ ಪೆರ್ಸಾದಿದ ಮುರೂರು ದ ಕೈತಲ್ ಒರರ್ದ್ ಒರಾನೆ ಸೈಕಲ್ ಬುಡೊಂದಿತ್ತಿನಾಯೆ ಒರಿ ಅಡ್ಡಬತ್ತಿನೆರ್ದಾವರ ಕಾರ್ ಅಂಕೆ ತತ್ತ್ದ್ ಹೈಟೆನ್ಷನ್ ಕರೆಂಟ್ ಕುಂದೊಗು ಎಡ್ತ್ದ್ಂಡ್. ಸದಾನಂದ ನಾಯ್ಕ್ ಬೊಕ್ಕ ಆರೆನ ಬೊಡೆದಿ, ಬಾಲೆಗ್ಲಾ ಗಡಿಕುಲಾದಿತ್ತ್ದ್ ಅಕ್ಲೆನ್ ಕಾರ್ಲದ ಪ್ರೈವೇಟ್ ಆಸ್ಪತ್ರೆಗ್ ದಾಕಲ್ತ್ದೆರ್.