Last updated on December 2nd, 2025 at 07:22 pm
ಒಡಿಪು, ಡಿ. 02: ಪುತ್ತಿಗೆ ಶ್ರೀ ಸುಗುಣೇಂದ್ರತೀರ್ಥ ಶ್ರೀಪಾದೆರೆನ ನಾಲನೇ ವಿಶ್ವ ಗೀತಾ ಪರ್ಯಾಯೊಡು ಪುತ್ತಿಗೆ ಮಠೊತ ಆಶ್ರಯೊಡು ಕೃಷ್ಣಮಠ ರಾಜಾಂಗಣೊಡು ನಡತೊಂದುಪ್ಪುನ ಬೃಹತ್ ಗೀತೋತ್ಸವೊದ ಸಮಾರೋಪ ಸಮಾರಂಭ ಡಿ.7ತಾನಿ ನಡಪರೆಗುಂಡು.
ಆನಿ ಬಯ್ಯ 4 ಗಂಟೆಗ್ ನಡಪುನ ಸಮಾರೋಪ ಸಮಾರಂಭೊದ ಮಲ್ಲ ಬಿನ್ನೆರಾದ್ ಆಂಧ್ರಪ್ರದೇಶೊದ ಉಪಮುಖ್ಯಮಂತ್ರಿ ಅಂಚೆನೇ ಪರಿಸರ, ಅರಣ್ಯ ಬೊಕ್ಕ ವಿಜ್ಞಾನ & ತಂತ್ರಜ್ಞಾನ ಇಲಾಖೆ ಸಚಿವೆರಾದುಪ್ಪುನ ಪವನ್ ಕಲ್ಯಾಣ್ ಬರ್ಯೆರ ಉಲ್ಲೆರ್. ಈ ಬಗೆಟ್ ಪರ್ಯಾಯ ಪುತ್ತಿಗೆ ಮಠೊತ ದಿವಾನೆರಾಯಿನ ನಾಗರಾಜ ಆಚಾರ್ಯೆರ್ ಬೊಕ್ಕ ಕಾರ್ಯದರ್ಶಿ ಪ್ರಸನ್ನ ಆಚಾರ್ಯೆರ್ ಒಲವು ಕೊರ್ತೆರ್.
ನ.8ದಾನಿ ಪೇಜಾವರ ಶ್ರೀ ವಿಶ್ವಪ್ರಸನ್ನತೀರ್ಥ ಶ್ರೀಪಾದೆರೆ ಕೈರ್ದ್ ಉದಿಪನ ಆಯಿನ ಬೃಹತ್ ಗೀತೋತ್ಸವ ಒಂಜಿ ತಿಂಗೊಲು ಇಡೀ ಬೇತೆ ಬೇತೆ ಕಾರ್ಯಕ್ರಮೊಲೆ ಒಟ್ಟುಗು ನಡತಿತ್ತ್ದೊ, ವಿಶ್ವ ದಾಖಲೆಗ್ ಪಾತ್ರ ಆಯಿನ ಲಕ್ಷಕಂಠ ಗೀತಾ ಪಾರಾಯಣ ಕಾರ್ಯಕ್ರಮೊಡು ಪ್ರಧಾನ ಮಂತ್ರಿ ನರೇಂದ್ರ ಮೋದಿಯೆರ್ಲಾ ಪಾಲ್ಪಡೆದಿತ್ತೆರ್.