Last updated on December 4th, 2025 at 07:17 pm
ಕಾರ್ಲ, ಡಿ. 04 : ಗಂಗಸರ ಪನ್ಡ್ದ್ ಗಾಡಿದ ಬ್ರೇಕ್ ಫ್ಲೂಯಿಡ್ ಆಯಿಲ್ ಪರ್ದಿತ್ತಿನ ಆಂಜೊವು ಮರ್ದ್ ಪಲಿಪಂದೆ ತೀರ್ದಿನ ನಡಕೆ ಮುದ್ರಾಡಿದ ಬಲ್ಲಾಡಿಡ್ ನಡತ್ದ್ಂಡ್. ಹೆಬ್ರಿ ಗ್ರಾಮೊದ ತಮ್ಮು ಪೂಜಾರಿ (78) ತೀರ್ದಿನಾರ್.
ತಮ್ಮು ಪೂಜಾರ್ಲೆಗ್ ಪರ್ಪುನ ಅಭ್ಯಾಸ ಇತ್ತ್ದ್, ಮಧ್ಯಾಹ್ನ ಇಲ್ಲಡಿತ್ತಿನ ಗಾಡಿನ ಬ್ರೇಕ್ ಫ್ಲೂಯಿಡ್ ಆಯಿಲ್ನ್ ಗಂಗಸರ ಪನ್ದ್ ಎನ್ನ್ದ್ ಪರ್ದಿತ್ತೆರ್. ಅತ್ತಂದಿನೆನ್ ಪರ್ದ್ ಉಸಾರ್ ತತ್ತಿನ ಆರೆನ್ ಮರ್ದ್ಗ್ ಕುಡ್ಲದ ವೆನ್ಲಾಕ್ ಜಿಲ್ಲಾ ಆಸ್ಪತ್ರೆಗ್ ದಾಕಲ್ತ್ದಿತ್ತೆರ್. ಆಂಡ ಮರ್ದ್ ಪಲಿಪಂದೆ ಡಿ. 2 ತಾನಿ ಆಸ್ಪತ್ರೆಡ್ ತೀರ್ದೆರ್. ಈ ಬಗೆಟ್ ಹೆಬ್ರಿ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.