Last updated on December 6th, 2025 at 08:52 am
ಕುಡ್ಲ, ಡಿ 06: ಇನಿರ್ದ್ (ಡಿ. 6 ಬೊಕ್ಕ 7) ಕದ್ರಿ ಪಾರ್ಕ್ಡ್ 2 ದಿನೊತ ಬೃಹತ್ ವೈನ್ ಮೇಳ ಅಟ್ಟನೆ ಆದಿತ್ತ್ದ್, ದ್ರಾಕ್ಷರಸೊತ ವೈವಿಧ್ಯತೆಲೆನ ಅದ್ಭುತ ಲೋಕೊನೇ ಅನಾವರಣ ಆವರೆಗುಂಡು.
ಕದ್ರಿ ಪಾರ್ಕ್ಡ್ ಈ ಸರ್ತಿ ಕುಡೊರ ವೈನ್ ಪ್ರಿಯೆರೆಗ್ ಪರ್ಬ ಬೈದ್ಂಡ್. ಕರಿನ ಕೆಲ ವರ್ಸೊರ್ದಿಂಚಿ ನಡತೊಂದು ಬೈದಿನ ಬಾರೀ ಪುಗರ್ತೆ ಪಡೆತಿನ ಬೃಹತ್ ವೈನ್ ಮೇಳ ಗ್ರಾಹಕೆರೆ ಕಾಯೆಸ್ದ ಮಿತ್ತ್ ಡಿಸೆಂಬರ್ 6 ಬೊಕ್ಕ 7ಕ್ ಗರ್ದ್ಡ್ ನಡಪರೆಗುಂಡು.
ರತ್ನಾಸ್ ವೈನ್ ಗೇಟ್, ಕರ್ನಾಟಕ ದ್ರಾಕ್ಷಿ ಬೊಕ್ಕ ವೈನ್ ಬೋರ್ಡ್ (ಸರ್ಕಾರಿ ಸಂಸ್ಥೆ) ಅಂಚೆನೇ ತೋಟಗಾರಿಕಾ ಇಲಾಖೆಲೆನ ಒಟ್ಟುಸೇರಿಗೆಡ್ ಕಾಂಡೆ 10.30 ರ್ದ್ ರಾತ್ರೆ 9.30 ಗಂಟೆ ಮುಟ್ಟ ಬೇತೆ ಬೇತೆ ಕಾರ್ಯಕ್ರಮೊಲೆನ ಒಟ್ಟುಗು ವೈನ್ ಫೆಸ್ಟಿವಲ್ ನಡಪುಂಡು.
ಈ ಮೇಳೊಡು ವೈನ್ದ ಆರೋಗ್ಯಕಾರಿ ಅಂಶೊಲು, ಪರ್ಪಿನ ಕ್ರಮ, ಎಂಚ ದೆತ್ತ್ದ್ ದೀವೊಡು ಪನ್ಪಿನ ಮಾತಾ ಸೇರ್ದ್ ಅಗತ್ಯ ಒಲವು ಕೊರ್ಪುನೆತ ಒಟ್ಟುಗು ರಾಜ್ಯ, ರಾಷ್ಟ್ರ ಬೊಕ್ಕ ಅಂತರಾಷ್ಟ್ರೀಯ ಮಟ್ಟೊದ ಪಾಕ ಬ್ರಾಂಡ್ಲೆನ ವೈನ್ ಪ್ರದರ್ಶನೊಗು ಅವಕಾಶ ಮಲ್ತ್ ಕೊರ್ತೆರ್. ಎಲ್ಲಾ ಕಂಪನಿಲೆನ ಪೊಸ ಸ್ಟಾಕ್, ತಾಜಾ ಪಾನೀಯೊಲು, ಅಂಚೆನೇ ಟೇಸ್ಟ್ ತೂದು ಅಜಪುನ ವ್ಯವಸ್ಥೆ ಗ್ರಾಹಕೆರೆನ್ ಆಕರ್ಷಿಪುನ ಮುಖ್ಯ ವೈಶಿಷ್ಟ್ಯ ಆದುಂಡು.
ವೈನ್ ಮಲ್ಪುನ ಸಂಸ್ಥೆಲೆನ ಮುಕೇನ ಎಡ್ಡೇನ ಸೇಜೊಲು, ಎಡ್ಡೇನ ಡಿಸ್ಕೌಂಟ್ ಇತ್ತ್ದ್, ವೈನ್ ಪ್ರಿಯೆರೆಗ್ ಗೆತೊನರೆ ಸುವರ್ಣಾವಕಾಶ ಆದುಂಡು.