Last updated on December 5th, 2025 at 03:40 pm
ಬೆದ್ರ, ಡಿ. 05: ಡ್ರೈವರ್ನ ಅಂಕೆ ತತ್ತ್ದ್ ನೇಲ್ಯ ಕ್ರೇನ್ ಒಂಜಿ ಇಲ್ಲದ ಮಿತ್ತ್ ಬೂರ್ದಿನ ನಡಕೆ ಕಲ್ಲಮುಂಡೇರ್ ಗ್ರಾಮ ಪಂಚಾಯತ್ ಸೀಮೆದ ಮೊರಂತೊಟ್ಟು ಕೈತಲ್ ಶುಕ್ರವಾರ ನಡತ್ದ್ಂಡ್.
ಮುಲ್ಕಿ- ಬೆದ್ರ ರಾಜ್ಯ ಪೆರ್ಸಾದಿಡ್ ಕಲ್ಲಮುಂಡೇರ್ದ ಮೊರಂತೊಟ್ಟು ತಿರ್ಗೆಲ್ಡ್ ಬಾರೀ ಬರಸ್ಡ್ ಪೋವೊಂದಿತ್ತಿನ ಕ್ರೇನ್ ಡ್ರೈವರ್ನ ಅಂಕೆ ತತ್ತ್ದ್ ಫೆಲಿಕ್ಸ್ ರೊಡ್ರಿಗಸ್ ಪನ್ಪಿನಾರೆನ ಇಲ್ಲದ ಮಿತ್ತ್ ಬೂರ್ದ್ಂಡ್. ಉಂದೆರ್ದಾವರ ಇಲ್ಲಗ್ ಹಾನಿ ಆತ್ಂಡ್. ಕ್ರೇನ್ ಬೂರುನಗ ಇಲ್ಲದಕುಲು ಮಾತ ಇಲ್ಲದ ಕುಡೊಂಜಿ ಮರ್ಗಿಲ್ಡ್ ಇತ್ತಿನೆರ್ದಾವರ ಪಡಾಯಿದಂತೆ ಬಚಾವಾತೆರ್. ಈ ಪೊರ್ತುಡು ಕ್ರೇನ್ದ ತುಂಡೊಂಜಿ ಅವೇ ಪೊರ್ತುಡು ಆ ಸಾದಿಯೆ ಪೋವೊಂದಿತ್ತಿನ ಒಂಜಿ ಕಾರ್ದ ಮಿತ್ತ್ ಬೂರ್ಯೆರ ಇತ್ತ್ಂಡ್. ಬೆದ್ರ ಪೊಲೀಸೆರ್ ಜಾಗೆಗ್ ಬತ್ತ್ದ್ ಪರಿಶೀಲನೆ ಮಲ್ತ್ದೆರ್.