Last updated on December 5th, 2025 at 02:06 pm
ಕುಡ್ಲ, ಡಿ. 05: ಡಿ. 3ಕ್ ಸಿಎಂ ಸಿದ್ದರಾಮಯ್ಯೆರ್ ಕುಡ್ಲಗ್ ಬತ್ತಿನ ಪೊರ್ತುಡು ಕುಡ್ಲ ಏರ್ಪೋರ್ಟ್ ಡ್ ಡಿಕೆಶಿ ಬೊಕ್ಕ ಸಿಎಂ ಸಿದ್ದರಾಮಯ್ಯೆರೆ ಪರ ಘೋಷಣೆ ಲೆತ್ತಿನ ಮಿಥುನ್ ರೈ ಬೊಕ್ಕ ಎಂಎಲ್ಸಿ ಐವನ್ ಡಿಸೋಜಾ ಮೊಕಲೆಗ್ ಎಐಸಿಸಿ ಶೋಕಾಸ್ ನೊಟೀಸ್ ಕೊರ್ತುಂಡು.
ನಾರಾಯಣ ಗುರುಕುಲು ಬೊಕ್ಕ ಮಹಾತ್ಮ ಗಾಂಧಿಯೆರೆ ಪಾತೆರಕತೆತ ಶತಮಾನೋತ್ಸವನ್ ಮುರಾನಿ ಕುಡ್ಲಡ್ ಅಟ್ಟನೆ ಮಲ್ತಿತ್ತೆರ್. ಈ ಲೇಸ್ಡ್ ಪಾಲ್ಪಡೆಯೆರ ಕೆ.ಸಿ.ವೇಣುಗೋಪಾಲ್ ಕೇರಳರ್ದ್ ಕುಡ್ಲಗ್ ಬತ್ತಿತ್ತೆರ್. ವೇಣುಗೋಪಾಲ್ ಕುಡ್ಲ ವಿಮಾನ ಉಂತಡೆರ್ದ್ ಪಿದಯಿ ಬರೊಂದಿತ್ತಿಲೆಕನೆ ಕಾಂಗ್ರೆಸ್ ಮುಖಂಡೆ ಮಿಥುನ್ ರೈ ಬೊಕ್ಕ ಆರೆನ ಒಟ್ಟುಗು ಇತ್ತಿನಕುಲು ಡಿಕೆಶಿ ಪರವಾದ್ ಘೋಷಣೆ ಲೆತ್ತಿತ್ತೆರ್. ಡಿಕೆ ಡಿಕೆ ಪನ್ದ್ ಘೋಷಣೆ ಲೆತ್ತಿನತ್ತಂದೆ ಡಿಕೆ ಶಿವಕುಮಾರ್ ರೆನ್ ಸಿಎಂ ಮಲ್ಪೊಡು ಪನ್ದ್ ಆಗ್ರಹ ಮಲ್ತ್ದೆರ್. ಇತ್ತೆ ಪಕ್ಷೊದ ಶಿಸ್ತ್ ತತ್ತಿನೆಕ್ ಮಿಥುನ್ ರೈಗ್ ಎಐಸಿಸಿ ಕಾರ್ಯದರ್ಶಿ ರೋಜಿ ಜಾನ್ ಶೋಕಾಸ್ ನೋಟಿಸ್ ಜಾರಿ ಮಲ್ತ್ದೆರ್.
ಸಿಎಂ ಸಿದ್ದರಾಮಯ್ಯೆ ಪೂರ್ಣಾವಧಿ ಸಿಎಂ ಪನ್ದ್ ಘೋಷಣೆ ಮಲ್ತಿನ ಪರಿಷತ್ ಸದಸ್ಯೆ ಐವಾನ್ ಡಿಸೋಜೆರೆಗ್ಲಾ ಕಾಂಗ್ರೆಸ್ ಶಿಸ್ತ್ ಸಮಿತಿ ನೋಟಿಸ್ ಕೊರ್ತುಂಡು. ದಾಯೆ ಇಂಚ ಮಲ್ದೆರ್ ಪನ್ದ್ ಸದು ಕೊರ್ಯೆರ ಕಾಂಗ್ರೆಸ್ ನೋಟಿಸ್ ಕೊರ್ತುಂಡು. ಈ ಮುಕೇನ ಕಾಂಗ್ರೆಸ್ಡ್ ಕುಡ ಸಿಎಂ ಕುರ್ಚಿದ ಲಡಯಿ ಎಚ್ಚ ಆವಂದಿಲೆಕ ತೂವೊಂದುಂಡು.