Last updated on December 15th, 2025 at 05:48 pm
ಮಡಿಕೇರಿ, ಡಿ. 15: ಕೇರಳ ರಾಜ್ಯೊಗು ಸೇರಿದ್ದ ಖಾಸಗಿ ಬಸ್ ಒಂಜಿ ನಡು ಸಾದಿಡೇ ಪೊತ್ತ್ದ್ ಸುಡು ಸೂಕರಿ ಆಯಿನ ನಡಕೆ ಇನಿ ಕಾಂಡೆ ತೆನ್ಕಾಯಿ ಕೊಡಗ್ದ ಮಾಕುಟ್ಟ ಪೆರ್ಸಾದಿಡ್ ನಡತ್ದ್ಂಡ್.
ಮಾಕುಟ್ಟದ ಆಂಜನೇಯ ದೇಲಂತಡೆದ ಕೈತಲ್ ಒರರ್ದ್ ಒರಾನೆ ಸೂ ತೋಜಿದ್ ಬೈದ್ಂಡ್ಗೆ. ಬಸ್ಡ್ ಇತ್ತಿನ ಡ್ರೈವರ್ ಬೊಕ್ಕ ಕಂಡಕ್ಟರ್ ಪಡಾಯಿರ್ದ್ ಬಚಾವಾತೆರ್. ಜಾಗೆಗ್ ಅಗ್ನಿಶಾಮಕ ದಳೊದ ಸಿಬ್ಬಂದಿಲು ಬೊಕ್ಕ ಪೊಲೀಸೆರ್ ಬತ್ತ್ದ್ ಸೂ ತೆಕ್ಕಾವುನ ಪುನೆಪು ಬತ್ತೆರ್. ಆಂಡ ಆ ಪೊರ್ತುಗಾನಗ ಬಸ್ ಅಲಕಾಕ ಪೊತ್ತ್ದ್ ಪೋದಿತ್ತ್ಂಡ್. ಸೂ ಪತೊನ್ರ ಪತ್ತ ನೆವನ ದಾದ ಪನ್ದ್ ತೆರಿದ್ ಬರೊಡಾತೆ.