Last updated on December 15th, 2025 at 12:49 pm
ಬೆರ್ಮಾವರ, ಡಿ. 15: ರಾತ್ರೆ ಗಂಗರ ಪಾರ್ಟಿದ ಪೊರ್ತುಡು ಒವ್ವಾ ನೆವನೊಗು ಜವನೆರೆ ನಡುಟು ಲಡಯಿ ಆದ್, ಮೆಯಿಕ್ ಕೈ ಪಾಡೊಂದು, ಆಕೊಂದು ಒರಿ ತೀರ್ದಿನ ನಡಕೆ ಬೆರ್ಮಾವರ ತಾಲೂಕ್ದ ಕೋಟತಟ್ಟು ಪಡುಕರೆತ ಐನ್ ಸೆಂಟ್ಸ್ ಕೈತಲ್ ಐತಾರ ರಾತ್ರೆ ನಡತ್ದ್ಂಡ್.
ಸೈದಿನಾರೆನ್ ಪಡುಕರೆ ಸಂತೋಷ್ ಮೊಗವೀರೆ (30) ಪನ್ದ್ ಗುರ್ತ ಪತ್ತ್ದೆರ್. ಜವನೆರ್ ಐತಾರ ರಾತ್ರೆ ಗಂಗರ ಪಾರ್ಟಿ ಮಲ್ತ್ದೆರ್. ಈ ಪೊರ್ತುಡು ಪಾತೆರೊಗು ಪಾತೆರ ಬುಲೆದ್, ಒರಿಯರ್ದೊರಿ ಆಕೊಂದೆರ್. ಈ ಪೊರ್ತುಡು ಸಂತೋಷ್ ಮೊಗವೀರೆ ಅಲ್ಪನೇ ಕುಸ್ಕುದ್ ಬೂರ್ದೆರ್. ಅಪಗನೇ ಬೆರ್ಮಾವರದ ಪ್ರೈವೇಟ್ ಆಸ್ಪತ್ರೆಗ್ ಲೆತೊಂದು ಪೋತೆರ್ ಆಂಡ ಮರ್ದ್ ಪಲಿಪಂದೆ ಸಂತೋಷ್ ತೀರ್ದೆರ್ ಪನ್ದ್ ತೆರಿದ್ ಬೈದ್ಂಡ್.
ಜಾಗೆಗ್ ಬೆರ್ಮಾವರ ವೃತ್ತ ನಿರೀಕ್ಷಕೆರಾಯಿನ ಗೋಪಿಕೃಷ್ಣೆ, ಕೋಟ ಸ್ಟೇಶನ್ದ ಉಪನಿರೀಕ್ಷಕೆರಾಯಿನ ಪ್ರವೀಣ್ ಕುಮಾರ್ ಟಿ ಬೊಕ್ಕ ಎಸ್ಸೈ ಮಾಂತೇಶ್ ಜಾಭಗೌಡೆರ್ ಬತ್ತ್ದ್ ಪರಿಶೀಲಿನೆ ಮಲ್ತ್ದೆರ್. ಇಲ್ಲದಕುಲು ನನ ಒಯಿಲ್ ಬರೆಪಾಯೆರೆ ಇತ್ತ್ದ್, ಅವೆರ್ದ್ ಬೊಕ್ಕ ಜಡ್ತೆ ಮಲ್ತ್ದ್ ಕ್ರಮ ಗೆತೊನುವ ಪನ್ದ್ ಪೊಲೀಸೆರ್ ತೆರಿಪಾದೆರ್.
ಅಂಚಾದ್ ಪ್ರಕರಣೊದ ಬಗೆಟ್ ಎಚ್ಚಿನ ಒಲವು ನನ ತೆರಿದ್ ಬರೊಡಾತೆ. ನಡಕೆಗ್ ಸಂಬಂಧಿತ್ದ್ ನಾಲ್ವೆರ್ ಜವನೆರೆನ್ ವಶೊಕು ಗೆತೊಂದು ವಿಚಾರಣೆ ಮಲ್ತೊಂದುಲ್ಲೆರ್ ಪನ್ದ್ ತೆರಿದ್ ಬೈದ್ಂಡ್.